KALAQAMA 13:2 - Qullaawa Maxaafa

² Abiraami saada, birranna culka afi'ratenni lowo geeshsha dureessa manchooti.

KALAQAMA 13:2 ပူးပေါင်းရင်းမြစ်များ

KALAQAMA 12:16

Isenni kainohunni Gibitsete moote Abiraami dancha illenni laisi; kunnira ge'reewo, me"e, lalo, harre, gaala, meyanna labbaa soqqamaasine uyisi.

KALAQAMA 13:6

Abiraamiranna Looxira lowoti saadate hoshsha noonsahuranna hosiisidhanno dargi ruukkinonsahura mitteenni heedhara didandiitino.

KALAQAMA 24:1

Abirihaamino lowo geeshsha geedhi; Kaaliiqino baalunku coyinni maassi'rinosi.

KALAQAMA 24:35

Kaaliiqi mooticha'ya lowo geeshsha maassi're ayirrado assinosi; ge'reewonna lalo, birra, culka, meyanna labbaa borojje, gaalanna harre baala uyinosi.

KALAQAMA 26:14

Meu, ge'reewunna lalu, hattono borojju lowo geeshsha bati'rinosi daafira, Filisxeemete gosa hinaasse,

KALAQAMA 30:43

Yaiqoobino lowo geeshsha dureessa ikki; lowo me"e, ge'reewo, gaalanna harre, hattono labbaanna meya borojjeno afi'ri.

IYYOOBI 1:10

Isi ate ayirrisannohu isira, maatesiranna noosi jiro baalate huxxa ikkoottosihuraati. Qoleno, assi'rire baala maassi'roottosihuranna saadasino qalante baatto wo'mitino daafiraati.

IYYOOBI 1:3

Afi'rino jirono 7,000 ge'reewooti, 3,000 gaalaati, 500 handate waaxaati, 500 harreeti; qolteno lowo soqqamaano noosi. Hatte yannara, jirotenninna jawaantetenni isi geeshsha ikkanno manchi soojjaati gobbara dino.

LAWISHSHA 10:22

Kaaliiqi maasso jiro abbitanno; aanahono mitiimma dileddanno.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

MARRO 8:18

Hatteentenni techo la'ininte gede jiro afidhinanni gede wolqa uyino'nehu, annuwa'nera xaarino gondoori wo'manno gede assinohu iso ikkinohura, Magano'ne Kaaliiqa qaagge.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.

UMI SAAMUEELI 2:7

Kaaliiqi buxisanno; qoleno duroonsanno; shollishanno; qoleno gotti gotti assanno.