KALAQAMA 12:8 - Qullaawa Maxaafa

⁸ Hakkiinnino kae, Beeteli Katamira soojjaatoonni ilaalaame gobba fuli; Beeteli galchimira, Gayi Katama soojjaatira qole agure dukkana dukka'ni; hakkiicho kakkalote darga seekke Kaaliiqiha qullaawa su'ma gane magansi'ri.

KALAQAMA 12:8 ပူးပေါင်းရင်းမြစ်များ

KALAQAMA 13:18

Abiraami dukkannasi diige, Kebirooni qullaawanniwa Memire odahewa mare hee'ri; hakkiichono Kaaliiqira kakkalote darga seekki.

KALAQAMA 13:3

Negebinni kae, dargunni darga sa"anni Beeteli mari; Beetelinna Gayi mereero noo darga iilli; kuni dargi kunni albaanni dukka'ne ofollinowaatinna,

KALAQAMA 13:4

kakkalote darga seekkinowaati. Hakkiichono Kaaliiqiha qullaawa su'ma gane magansi'ri.

KALAQAMA 21:33

Hakkunni gedensaanni Abirihaami Bersaabehira Tamaarisiki kaase Hegere Magano Kaaliiqa magansi'ri.

KALAQAMA 22:9

Maganu kulinosi darga iillituta, Abirihaami hakkiicho kakkalote darga seekki; haqqeno duuni; beettosi Yisihaaqi usure kakkalote darga haqqete aana haawiisse kari.

KALAQAMA 26:25

Yisihaaqi hakkiicho kakkalote darga seekke Kaaliiqiha qullaawa su'masi woshshanni magansi'ri; dukkanano kaasi'ri; borojjisi hakkiichono bue untu.

KALAQAMA 28:19

Hakko dargira su'ma Beeteli yee fushshi; alba kayinni hakko katami su'mi Loozaati.

KALAQAMA 31:25

Yaiqoobi gaaraame Geleaadi gobbara dukka'ne hee'reenna Laaba mare iilli; iillihu gedensaanni isino ayiddisi ledo hakkiicho dukka'ni.

KALAQAMA 33:20

Hakkiichono kakkalote darga seekke, Maganu Israeelete Maganooti yii.

KALAQAMA 35:3

Qarri'ya yannara macciishshinoehura, ha'rummo doogorano ledo'ya ha'rihura Maganoho kakkalote darga seekkeemmona, ka'e Beeteli ha'nona» yiinsa.

KALAQAMA 35:7

Yaiqoobi hakkiicho kakkalote darga seekke, «Eeli Beeteli» yee su'ma fushshi; hatto yiinohuno, rodiisiwiinni xooqe ha'ranna Maganu leellinosi darga ikkinohuraati.

KALAQAMA 4:26

Seetino labbaa beetto ile, su'ma Heenoosi yee fushshi; mannu Kaaliiqa magansi'ranna qullaawa su'masi woshsha hanafinohu hatte yannaraati.

KALAQAMA 8:20

Nohi Kaaliiqira kakkallanni darga seekki; maala intanni saadanna maala intanni cea baalante giddonni danu danunkunni mitto mitto haa're, shilqote kakkalo asse shiqishi.

NEHIMIYA 11:31

Biiniyaami manni Geeba, Mikimaasi, Ayi, Beetelinna qooxeessisira noo qachuwara hee'rino.

FAARSO 116:4

Hattenne yannara, «Kaaliiqa'ya ballo, gatisie!» yaanni, isiwa hige raarummo.

FULO 17:15

Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi.

ISAYAASI 10:28

Diinu bagadaano Gayi Katama iillitu. Migirooni widoonni higge sa'ara yite uduunnensa Mikimaasi wodhitu.

IYUEELI 2:32

Kaaliiqi su'ma woshshannohu baalu gatanno. Kaaliiqi coyi'rinonte gede Tsiyooni Ilaalinninna, Yerusaalametenni xagichu fulanno. Kaaliiqi doorinonsarino gattanno.

SOQQAMAASINETE LOOSO 2:21

Mootichu su'ma woshshannohu baalu gatanno› yaanno himani wo'manno gedeeti.

UMI QORONTOOSI 1:2

Qorontoosi Katamira nootera Maganu Beetekiristaanera, Yesuusi Kiristoosinni qullaawootahonna qullaawoota ikkate woshshantinorira, qoleno darga baalaho insanna ninke Mooticha ikkinohunniha Yesuusi Kiristoosi su'ma woshshidhannorira baalaho,

IBIRAAWOOTA 11:9

Isi gede uyinoonninsa hexxo ragidhannori Yisihaaqinna Yaiqoobi ledo, hexxote gobbara wosincho ikke dukkanu giddo hee'rinohu amma'natenniiti.

IYYAASU 18:22

Beetiaraba, Tsemari-Gayimi, Beeteli,

IYYAASU 22:10

Roobeeliti, Gaaditinna soojjaati Minaase ga're Yordaanoosi Wayi mule Kana"aani nootewa Geliilooti katama iillitanni heedhenni, Yordaanoosi mule maala'linanniha lowoha kakkalote darga seekkitu.

IYYAASU 7:2

Iyyaasu Iyyaarkonni, Beetelira soojjaatoonni Beetiaweeni mule noohuwa Gayi katamira manna soye, «Hakkiichira fultine baatto dooyye» yiinsa. Mannootuno fulte Gayi dooyyitu.

IYYAASU 8:12

Iyyaasu 5,000 manna doore, katamaho galchimi ragaanni Gayinna Beeteli mereero gaa'le agaranno gede assi.

IYYAASU 8:17

Gayinna Beetelira hee'ranno manni baalunku fule Israeeloota shorranna katamu mittuno gargarannohu nookkiha fano ikke gati.

IYYAASU 8:3

Kunnira, Iyyaasu gaaddosi ledo Gayi katama gaadara qixxaawi. Olantote giddonni jawaante roortinore 30,000 gaaddo doore, hashsha soyi.

IYYAASU 8:30

Hakkunni gedensaanni, Iyyaasu Eebaali Ilaali aana Israeelete Magani Kaaliiqira kakkalote darga seekki.

IYYAASU 8:9

Hakkunni gedensaanni, Iyyaasu gaaddo fushshe soyi. Insano, Gayira galchimi ragaanni Gayinna Beeteli mereero gaa'lite agartu. Iyyaasu kayinni, gattinori ledo hakko qachaho gali.

EJJEETTO 6:24

Gedewoonino hakkiicho Kaaliiqira kakkalote darga seekki. Su'mano, Kaaliiqi Keereho yee fushshi. Kuni kakkalote dargi techo geeshsha Abieezerootu baattora Ofira yinanniwa no.

UMI SAAMUEELI 30:27

Konne afansha, Beeteli, wodiidi Raamootinna Yatiiri noo mannira,