KALAQAMA 10:10 - Qullaawa Maxaafa

¹⁰ Namiruudi gashshooti Senaoori noore umire 3 katamma, Baabilooni, Erekinna Akaadi giddo amadanno.

KALAQAMA 10:10 ပူးပေါင်းရင်းမြစ်များ

KALAQAMA 10:9

Namiruudi Kaaliiqi wolqanni jawaata ugaaxaanchooti; kunnira manna, «Kaaliiqi Namiruudi gedeeha jawaata ugaaxaancho assohe» yinanni maassi'nanni.

KALAQAMA 11:2

Mannu soojjaatira hige ha'ri yannara, Baabilooni gobbara mitto xawo afi're, hakkiicho hee'ri.

KALAQAMA 11:9

Katamu su'ma, Baabilooni yini; hatto yinoonnihu, hakkiicho Kaaliiqi mannu qaale burduuqinohuranna insano baatto baalate aana billaallisinonsahuraati.

KALAQAMA 14:1

Hatte yannara, Baabilooni moote Amiraafeeli, Elaasaari moote Ariyooki, Elaami moote Kedoorilaomeeri, Goyimi moote Tidaaliiti; kuri shoolunku moote,

ISAYAASI 10:9

Insano Kaalinooni, Karkemiishi, Hamaatinna Arfaadi katamma amaddinoreeti. Samaariyanna Demaasiqono angara qo'litinoreeti.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 39:1

Hatte yannara Baabilooni moote Balaadaani beetti Merodaaki-Balaadaani Hiziqiyaasi dhiwame hurinota macciishshe, afanshu ledo borrote sokka soyisi.

ERMIYAASI 21:2

«Baabilooni moote Nabukadanatsoori qasankeraatina, hanni Kaaliiqi bi're gede maalale loose iso badhera qolannonkeha ikkiro xa'minke» yiie.

ERMIYAASI 50:1

Kaaliiqi Baabilooni gobbaranna giddo hee'ranno manni baalunkura kuleemmo gede ane Ermiyaasira,

ERMIYAASI 50:21

Kaaliiqi, «Miratayiminna Feqoodi gosa aana bala tugge; shitine gudde. Ani yeemmo'nere baala asse. Konne coye coyi'roommohu ani Kaaliiqaati.

HIZIQEELI 27:23

Kaaraani, Kaanehinna Edeni katamma ledo, qolteno Saaba, Ashuurinna Kilmaadi katamma daddalaasine ledo dadda'lootto.

DAANIEELI 1:2

Mootichu wore agurino daafira Nabukadanatsoori Yihudu moote Iyoaaqeemi qafadi. Maganu Miniha qullaawa uduunne gudhi; mito mito usuranyoota Baabiloonira kaphu maganna minira haa're ha'ri; haa're ha'rinoha qullaawa uduunne baalano kaphu maganna uduunni mine wori.

AMOOTSI 6:2

Hanni Kaaline katama martine la'e; hakkiinnino sa'ine jawa Hamaati katamanna, Filisxeemootu katama Gaati dirre. Insa ki'newiinni woyyitannoni? Gashshootinsa ki'ne gashshootiwiinni roorannoni?

MIKIYAASI 4:10

Yerusaalamete manna! Ilate game amaddino mancho gede haafattinanni urre. Mayira yitiniro, katamunni shorrantine minu nookki gobbara tugantinanni. Baxxinikkinni Baabilooni hadhinanni gede assinanni'ne. Ikkeennano, Maganu hakkono gatisanno'ne; diini'ne angannino wodanno'ne.

MIKIYAASI 5:6

Olantonsa wolqanni Asoori manna qeelte amaddanno. Namiruudi gashshoote ikkitino gobba cufanna hiiqqaqqite e'anno. Asoori manni gobbanke horritannonna maassantinota gobbanke kaddanno woyite, isi angansanni gatisannonke.

ZAKKAARIYAASI 5:11

Isino, «Baabiloonira haa're masse gimboolaho mine minaraati; minu miname goofihu gedensaanni, magansi'nanni gede gimboola masse mine woranno» yiie.