KALAQAMA 1:3 - Qullaawa Maxaafa

³ Hakkunni gedensaanni Maganu, «Xawaabba ikko» yii; xawaabbano ikki.

KALAQAMA 1:3 ပူးပေါင်းရင်းမြစ်များ

KALAQAMA 2:4

Gordunna baatto kalaqantinohu kunni garinniiti. Kaaliiqi Maganu gordonna baatto kalaqi waro ikkino coyi kunninni aane nooho:

IYYOOBI 36:30

Banqote bilicceessa gordu giddoonni qole soyanno; baaru diime kayinni tunsitino gedeenni heedhanno.

IYYOOBI 38:19

Xawaabbu hiikkiinni fulannoro, tunsichu mama hee'rannoro egennoottoni?

FAARSO 104:2

Xawaabba imaanimma tuulatootto; gordo dukkanu gede diriirsootto.

FAARSO 118:27

Kaaliiqi Maganoho; ninkera caabbicho ikkinonke; anga darcho amaddine ayyaana ayirrisse; kakkalote darga gaangaabbe.

FAARSO 148:5

Isi hajajeenna kalaqaminore ikkino daafira, baalunku Kaaliiqi su'ma galato.

FAARSO 33:6

Kaaliiqi gordo hajajosinni, agana, arrishshonna beeddahe qaalisinni kalaqino.

FAARSO 33:9

Isi coyi'reenna kalqe kalaqantino; isi hajajeenna baalunkuri xawo fulino.

FAARSO 97:11

Keeraanote xawaabbu fulinsa; wodana subbinorira hagiirru dayinsa.

ISAYAASI 45:7

Tunsichonna xawaabba kalaqeemmo; gadadonna qawaaxxo abbeemmo. Konne baala asseemmohu ani Kaaliiqaati.

ISAYAASI 60:19

«Kunni ka'a barrira arrishsho, hashshira aganu dihasiisannohe. Ani Kaaliiqi hegere xawaabba ikkeemmohe; ayirrinyi'yano ate aana xawanno.

MAATEWOOSI 8:3

Yesuusino anga diriirse manchono amammade, «Baxoommohena huri!» yiisi. Manchuno hakkawoyintenni taraawannohu gogu dhibbinni huri.

YOHAANNISI 1:5

Xawaabbu tunsichoho xawanno; tunsichuno horontanni diqeelinosi.

YOHAANNISI 1:9

Manna baalaho xawannohu halaalaanchu xawaabbi tenne alame daanni hee'rino.

YOHAANNISI 11:43

Yesuusi hatto yiihu gedensaanni, «Aliaazaari, amo fuli!» yee qoonqosi naggi asse coyi'ri.

YOHAANNISI 3:19

Yinoonni yoono: Xawaabbu tenne alame dayino; mannu kayinni loosisi busha ikkinohura xawaabbunkunni roore tunsicho baxino.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

EFESOONI SOKKA 5:8

Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe.

UMI XIMOOTEWOOSI 6:16

Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.

UMI YOHAANNISI 1:5

Isiwiinni macciishshinoommotinna ki'nera kulleemmo sokka, «Maganu xawaabbaho; tunsichu isiwa horonta dino» yitannote.

UMI YOHAANNISI 2:8

Ikkollana haaro hajajo borreesse kuleemmo'ne; isino, isiwanna ki'newa egennamino halaaleeti. Tunsichu sae ha'reenna halaalaanchu xawaabbi xa xawanni no.