KALAQAMA 1:11 - Qullaawa Maxaafa

¹¹ Hakkunni gedensaanni Maganu, «Baatto laalanno gidenna addi addi mu'ro, sirchi sirchinsa garinni laaltanno haqqe mu'risso» yii; yiino gedeno ikki.

KALAQAMA 1:11 ပူးပေါင်းရင်းမြစ်များ

KALAQAMA 1:12

Baatto guma laalanno gidenna mu'ro sirchi sirchinsa garinni gumu afidhino laalo laaltanno haqqe sirchi sirchinsa garinni mu'rissu. Maganu hakkuno dancha ikkinota lai.

KALAQAMA 1:29

Maganuno, «Sagale ikkanno'ne gede baatto baalate aana nooha gidu laalchonna guma afidhino laalo uyitanno haqqe baala oommo'ne;

KALAQAMA 2:16

Kaaliiqi Maganu mannaho, «Edeni Gennetete noo haqqe baalate laalo ita dandaatto.

KALAQAMA 2:5

Xeena ganinokki daafira, baattote aana mitturichi nafa dimu'rino. Baatto loosanno mannino nookkihura, baattote aana mittu haqqino difulino; mu'rinorino dino.

KALAQAMA 2:9

Kaaliiqi Maganu illete biiffinota sagalimmate dancha ikkitinota addi addi haqqe mu'risi. Gennetete mereerono heeshsho uyitanno haqqicho no; danchanna busha badde leellishshannoti wole haqqichono no.

IYYOOBI 28:5

Sagale baattote giddonni fultanno; giddoyidise kayinni, giira ittinohu gede ikke soorramanno.

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

FAARSO 147:8

Isi gomicho gordu aana diriirsanno; baattote xeena aanno; ilaallate aanano hayisso fushshanno.

ISAYAASI 61:11

Baatto jajja mu'rissannohu gedenna, gatu winxire laashshannohu gede, Mootichu Kaaliiqino mannu baalunku giddonni, keeraanchimmanna galatu burqanno gede assanno.

ERMIYAASI 17:8

Isi wayi gama kaanseenna, rumushsho wayi widira diriirsidhino haqqicho gedeeho. Tini haqqicho wo'manka woyite latte heedhanno daafira, arrishshu yannarano diyaaddanno; xeenu nookki yannarano ruxxi yitukkinni laaltanno.

MAATEWOOSI 3:10

Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni.

MAATEWOOSI 6:30

Ki'ne amma'na xe'ino'neri, Maganu techo leelte ga'a giirate tugantanno hayissora togo asse uddisiisannoha ikkiro, ki'ne hiitto roorse diuddisiisanno'ne?

MAARQOOSI 4:28

Baatto umise wixa mu'risseenna, agashsho kalaqi're, agashshote aana guma laalanno.

UMI QORONTOOSI 15:38

Maganu kayinni hakko wixira hasi'rino biso aanno. Mittu mittunku wixira hasiisino biso aanno.

IBIRAAWOOTA 6:7

Lowo yanna ise aana dirranno xeena agganno baatto, kaashsho kaasi'ranno manchira guma uyitanno daafira Maganu maassi'rannose.

YAIQOOBI 3:12

Roduuwa'ya! Balasete haqqicho ejersu guma laala dandiitannoni? Woy woyinete haqqicho balasete guma laala dandiitannoni? Qaraaranno wayi giddonni coommanno wayi fulannoni?