1 Maganu umo asse gordonna baatto kalaqino.
«Israeelete Magano Kaaliiqa, kirubeeli yinanni kalaqamira iimaanni ofolloottohu ateetilla; gobba baalate gashshootira gashshaanni ate callaati; gordonna baatto kalaqoottohu ateeti.
Wole gosa magansidhannoti kaphu magannaati; Kaaliiqi kayinni gordo kalaqinoho.
Xiroosi moote Kiraamino Selemoonira, «Kaaliiqi mannasi baxanno daafira ate insara moote assinohe» yee borrote sokka soyisi.
Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!
Foolisinni gordo wara'a asse xawisino; angasinni, xooqanni noo dhudhuufa qasino.
«Ani kalqe kalaqummo waro, ati hakkiicho noottoni? Hanni hakkeeshshi egenno noohero, kulie.
Gordo callichisi diriirsino; baaru dambalano sammi assannohu isooti.
Umo assite baatto kalaqootto; gordono angakkinni seekkootto.
Kaaliiqa, ati lowore kalaqootto; baalanka ogimmakkinni seekkootto; baattote ati kalaqoottori wo'mino.
Foole worattonsa woyite kayinni, heeshshonnire ikkitanno; baattote aana noore baala haaro assatto.
Gordonna baatto kalaqinohu, Kaaliiqi maassi'ro'ne.
Kaa'lo'ya daggannohu, gordonna baatto kalaqinohu Kaaliiqiwiinniiti.
Tenne kaa'lo afi'noommohu, gordonna baatto kalaqinohu Kaaliiqiwiinniiti.
Gordonna baatto kalaqinohu Kaaliiqi, Tsiyooni hee're maassi'ro'ne.
Ogimmasinni gordo kalaqino; bagamannokkihu baxillisino hegerehona.
Kaaliiqi gordo, baatto, baaranna giddosi noore baala kalaqinoho. Isi wo'manka woyite gondoorosi agaranno.
Kaaliiqi gordo hajajosinni, agana, arrishshonna beeddahe qaalisinni kalaqino.
Isi coyi'reenna kalqe kalaqantino; isi hajajeenna baalunkuri xawo fulino.
Angakki looso gordo, basensara woroottore agananna beeddahe la'nanni woyite,
isire hedattora isi mannu ayeti? Towatattosira isi mannu maati?
Ilaalla kalaqantara albaanni, baattono safantara albaanni, hegere hegerera ati Maganoho.
Ani 6 barrinni gordonna gobba, baaranna giddosi noore baala kalaqe lamalki barra fooliishshi'roommo; ani Kaaliiqi Fooliishshote Barra maassi'roommohunna qullaawa assoommohu kunni daafiraati.
Maganu Siina Ilaalira Muse ledo hasaawa gudihu gedensaanni, angasinni borreessinota boncoonni kinna gondoorunnita uyisi.
Baalanka coye Kaaliiqi hajasira yee assino; bushuulleno baote barrira worino.
«Kaaliiqi egennosinni baatto kalaqino; afasinni gordo mitto darga uurrisino.
Bushu barri dayikkinni, «Tashshi diyiinoe» yaatto diri iillikkinni anjekki yannanni Kalaqaanchokki qaagi.
«Olantote Mooticha Israeelete Magano, kirubeelira iimaanni ofolloottohu ateetilla. Gobba baalate gashshootira gashshaanninna Maganu ate callaati. Gordonna baatto kalaqoottohu ateeti.
Konne coye diaffinoonni? Dimacciishshitinoonni? Bi're albanni dikulloonni'ne? Baatto kalaqantunkunni konne coye dibuuxxinoonni?
Iimira gordo higgine la'e! La'inanni beeddahe kalaqinohu ayeti? Olantote gaadaanni gede albaanni ha'rannonsa; kiironsano egennino; mitte mittenta su'misenni woshshanno. Wolqasi lowota ikkitino daafira, giddonsanni mitte nafa dixe'anno.
Ki'ne diaffinoonni? Dimacciishshitinoonni? Kaaliiqi hegere Maganooti; baatto baala kalaqinohu isooti. Isi horo didaafuranno; dihooganno; isi hedinore afara dandaannohu dino.
Gordo kalaqe, qaccetenni qaccete geeshsha diriirsinohu, baattonna aanase noore baala kalaqe, mannahono lubbonna foole worinohu, Maganu Kaaliiqi,
Amakki godowi giddo kalaqinohehu gatisaanchikki Kaaliiqi, «Baalankare kalaqoommohu, gordonna baatto calli'ya diriirsoommohu, ani Kaaliiqaati.
Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.
Baatto xintoommohanna gorduwa diriirsoommoha, kalaqaancho'ne ane Kaaliiqa habbinoonni. Gudda'nera ka'inoriha kaajjaddu hanqo waajjitinoonni; kunni ka'a insa hanqi assanno'neri dino.
Gorduwa diriirsoommohunna baatto xintoommohu aneeti. Tsiyoonino, ‹Ati manna'yaati› yeemmo; qaale'ya afiikkira woroommo; ateno anga'ya caalinni goloommo» yii.
Kaaliiqi, «Kune ani haaro gorduwanna haaro baatto kalaqeemmo; sainore baala hambanni; horonta diqaanganni.
Kaaliiqa ati, wolqakkinni baatto kalaqootto; egennokkinni kalqe xintootto; afakkinni gordo diriirsootto.
«Kaaliiqa Mooticha'ya! Ati jawa wolqakkinninna jawaata cigilekkinni gordonna baatto kalaqootto; ati dandaattokkiri horonta dino.
Gordo diriirsinohu, baatto kalaqinohu, mannahono heeshshote foole uyino Kaaliiqi Israeelete soyino sokka,
Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.
Hatte yannara kalaqamunni kayise, xaa geeshsha ikke egenninokki qarri daanno. Hakkunni gedensaannino hattoo qarri di"iillanno.
«Manna, togo mayira assitinanni? Ninkeno ki'ne gedee mannaati. Ninke ki'ne kunni kaphu coyiwiinni faffine gordonna baatto, baaranna kuri giddo noore baala kalaqinohuwa Heeshshote Maganiwa higginara Hagiirru Duduwo kullammo'nera dangoommo» yitu.
Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno.
Insano konne coye macciishshite qoonqonsa naggi assite mitteenni Magano, «Gordonna baatto, baaranna baaru giddo noore baala kalaqoottohu Wo'munkura Aliidi Mooticha!
Baalunkuri isiwiinniiti, isinniiti, isiraati. Isira hegere ayirrinyi iillosi! Hamii'ni!
ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.
Qoleno albi yannara wo'manka kalaqino Magani maaxe worino coyi hiitto ikke leellannoro baalunkura xawise kuleemmo gede elto uyinoonnie.
Hattono, «Mooticha! Ati umo assite baatto xintootto; gorduno angakki loosooti.
Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.
Kalqe Maganu qaalinni kalaqantinota anfeemmohu ammanatenniiti. Kunni daafira leellanno coyi baalu leellannokki coyiwiinni dayinoha ikkinota anfoommo.
Baalunku mini minannoha afi'rino. Baalankare loosinohu kayinni Maganoho.
Kuni manni lowo yannara albaanni gordu Maganu qaalinni kalaqaminotanna baattono wayinni xaadde wayi mereero noota affanni heedhenni, afinokkihu gede ikkitanno.
Heeshshote Qaalire bi're hundanni noohurenna macciishshinoommohure, illenkenni la'noommore, anfoommorenna angankenni amandoommore borreessine kulleemmo'ne.
gordonna gordu giddo noore, baattonna baattote aana noore, baaranna baaru giddo noore kalaqino Magani hegerehu su'minni xaare, «Kunni ka'a dikeeshshanno;
Isi qoonqosi naggi asse, «Yoosi barri iillinona Magano waajje; ayirrinyeno uuyyesi. Gordonna baatto, baaranna wayi bu'a kalaqinoha magansidhe!» yii.
Hakkunni gedensaanni, «Kune wo'mino! Umihunna goofimarchunnihu, albihunna gedensihu aneeti. Goo'rinohura heeshshote buichonni mittoreno baantikkinni mulla eemmosi.
Umihunna Goofimarchunnihu, Albihunna Gedensihu, Hanafonnihunna Jeefonnihu aneeti» yii.
«Lodooqiyu Katamira noo sokkaasinchira, « ‹Hamii'ni ikkinohu ammanaminohunna halaalaanchu naqaashshichi Maganu kalaqino kalaqamira kaima ikkinohu:
«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.
