IYYOOBI 8:3 - Qullaawa Maxaafa

³ Halaalinta Maganu yoo shokkishannoni? Wo'manka Dandaanno Magani halaale dawisannoni?

IYYOOBI 8:3 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

LAYINKI DUDUWO 19:7

Halaale dawisa, mallaadanna gubbo ita Maganinke Kaaliiqi baxannokki daafira, taalo yoo yiiyye! Maganono waajje!» yiinsa.

IYYOOBI 10:3

Ane angakkinni kalaqoottoeha mishakkinna, cubbaataammu assitannore baxakki garahoni?

IYYOOBI 19:6

Qarru giddo tuginoehunna, amaddanno woshshaado worinoehu, Magano ikkinota affinara hasi'reemmo.

IYYOOBI 19:7

Kuneeti, assinoonnie beebbara, raareenna macciishshannoehu dihee'ranno; ku'le halaale fushshannoeha diafi'reemmo.

IYYOOBI 21:15

Maganoho soqqama leddannori nookkita, iso magansi'rano kaa'litannokkita labbannonsa.

IYYOOBI 21:20

Baonsa insa illensanni affo! Wo'manka Dandaanno Maganiha hanqisi finiincho cingiishshidho!

IYYOOBI 34:5

«Iyyoobi, ‹Ani keeraanchoho; Maganu kayinni halaale'ya difushshino.

IYYOOBI 35:13

Halaalintanni Maganu haafunnita raarensa caaqqi yee dila"anno; Wo'manka Dandaanno Magani dimacciishshannonsa.

IYYOOBI 36:23

Maganoho assannore kulannosihu nooni? ‹Busha looso loosootto› yaannosihu hee'rannoni?

IYYOOBI 36:3

Kalaqinoe Magani keeraancho ikkinota huwachishammohera, egenno'ya mageeshshitero leellisheemmohe.

IYYOOBI 37:23

Maganu wolqa bayira ikkitinohura, mulisira shiqa didandiineemmo; isi baalunkurira keeraanchohonna halaalaanchoho.

IYYOOBI 4:17

Tini huurono, ‹Mannu Maganu albaanni keeraancho ikkara, woy kalaqaanchisi albaanni keeraa'mara dandaannoni?

IYYOOBI 40:2

«Halaalinta ati Wo'manka Dandaanno Magani ledo yekkeeramootto; xa sammi yaattonso, dawaro qolatto?» yiisi.

IYYOOBI 40:8

Umokki keeraancho assite, ane halaale dawisoommohu gede kiirate wo'naaltanni nootto?

IYYOOBI 9:2

«Ki'ne yitinanniri baalu halaale ikkinota afoommo; kayinnilla, mannu Maganu albaanni keeraancho ikkara dandaannoni?

FAARSO 89:14

Gashshootikki keeraanchimmatenna taashshate aana uurrino; bagamannokkihu baxillikkinna halaalaanchimmakki loosikkinni leeltanno.

FAARSO 99:4

Ati roore mooteeti; halaale baxatto; Israeelete mereero halaale worootto; taalonna halaalaancho yoo uurrisootto.

HIZIQEELI 18:25

«Ki'ne Israeelete manni, ‹Mootichu assanno coyi gara di"ikkino› yitinanniha ikkanno; ki'ne Israeele ani yeemmota macciishshe. Heddinanni woyite, ani asseemmo coyi baalu gara di"ikkino? Gara ikkitinokkiti ki'ne hadhinanni doogooti.

HIZIQEELI 33:17

«Hiziqeeli, mannikki kayinni, ani asseemmo coyi gara ikkinokki gede asse hedanno; saonka gara ikkitinokkiti insa doogooti.

HIZIQEELI 33:20

Ki'ne Israeele kayinni, ani asseemmori gara ikkinokki gede assitine heddinanni. Ikkollana, mitti mitti'nera loosi'ne garinni yoo yeemmo'ne» yee coyi'rie.

DAANIEELI 9:14

Kaaliiqa Maganonke! Ati loosattori baalu garaho; ninke kayinni hajajama gimboommohe daafira konne baala qarra abboottonke.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!

YOHAANNIS AJUUJA 16:7

Kakkalote dargano, «Ee! Wo'manka Dandaattohu Mooticha Magano! Yookki halaalehonna taalote» yitanno huuro macciishshummo.