IYYOOBI 5:9 - Qullaawa Maxaafa

⁹ Isi hende anfannikkiha jawa coyenna, kiirre dandiinannikki maalale assanno.

IYYOOBI 5:9 ပူးပေါင်းရင်းမြစ်များ

IYYOOBI 10:16

Umo'ya gotti gotti assummoro, doobbiichu gede ugaaxattoe; galagalte ane gawajjate maalale assatto.

IYYOOBI 13:1

«Kuneeti, konne baala ille'ya la'ino; macca'yano macciishshitino.

IYYOOBI 37:14

«Iyyoobi, hanni suutunni ikkite wodanchi; Maganu loosannoha maalalete looso wodana assite hedi.

IYYOOBI 37:16

Gomichu gordu aana hiitto ikke rarrainoro egennootto? Kuni dhaggete loosi, guuta egenno afi'rino Magani loosinoho.

IYYOOBI 37:5

Maganu huuro dhaggete garinni beleqqanno; ninkeno wodancha dandiineemmokkiha lowo coye assanno.

IYYOOBI 42:3

‹Afoottori nookkihu, ani hedoommore kageeshshi geeshsha mayira xa'mitto?› yoottoe. Xa'mammora dandoommohu buuxoommokkihuraati; hedo'yara aleenni ikkinore afammora yee coyi'roommo.

IYYOOBI 9:10

Hendara dandiinannikkiha lowo coye assanno; kiirre fullannikki maalale loosanno.

FAARSO 139:18

Kiirroommero hedokki baaru shaafi gede bati'rate; baqqi yeemmo woyiteno atee ledo noommo.

FAARSO 145:3

Kaaliiqi lowoho; lowo galati hasiisannosiho; lowimmasino mannu hedora aleenniiti.

FAARSO 40:5

Kaaliiqa Magano'ya assootto dhagge lowote; ate gedeehu horontanni dino; ati ninkera maala'linanni coye hedoottonke; hasaawenna coyi're gude diafeemmo!

FAARSO 40:6

Kakkalonna fushshaate dihasi'ratto; shilqonnitanna cubbu daafira shiqinshanni kakkalo dixa'mi'ratto; roorenkanni ati yaattota macciishshitanno macca oottoe.

FAARSO 72:18

Callisi dhagge assannohu, Israeelete Magani Kaaliiqi galatamo.

FAARSO 86:10

Magano, ati jawaho; maala'linanni coye assatto; Maganu ate callaati.

ROSIISAANCHO 3:11

Maganu wo'mankare yannasinni biifise loosino. Mannu wodanira hegerimmate hedo worino. Ikkollana Maganu kaimunni gawalote geeshsha loosannore afate mannaho egenno diuyino.

ISAYAASI 40:28

Ki'ne diaffinoonni? Dimacciishshitinoonni? Kaaliiqi hegere Maganooti; baatto baala kalaqinohu isooti. Isi horo didaafuranno; dihooganno; isi hedinore afara dandaannohu dino.

ROOMU SOKKA 11:33

Maganu jiro, hayyosinna egennosi dandiinannikkite! Yoosino fonqollannikkite; doogosino anfannikkite.