IYYOOBI 4:3 - Qullaawa Maxaafa

³ Hanni macciishshi, ati lowo manna rosiisootto; wolqiweeltinoreno jawaachishootto.

IYYOOBI 4:3 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

IZIRA 6:22

Kaaliiqi hagiirsiisinonsa daafira, Timu Ayyaana 7 barra hagiirrunni ayirrissu. Hatto assitinohu Kaaliiqi Asoori moote wodana shaqqishe, Maganinsa Mine mina kaa'lannonsa gede assinohuraati.

IYYOOBI 16:5

Woleteemmero seejjo'yanni jawaachishe, coyi'yanni sheshifachisheemmo'nehu gatino.

IYYOOBI 29:11

«Anere macciishshinohunna afinoehu baalu, ane jajanni coyi'ranno.

IYYOOBI 29:15

Ani ballicha massagoommo; naafichano irkisoommo.

IYYOOBI 29:16

Buxichoho anna ikkoommo; manni gobba mannirano halamoommo.

IYYOOBI 29:21

Ani coyi'reemmo woyite, mannu sammi yee macciishshe seejjo'ya adhanno.

IYYOOBI 4:4

Qaalikki ubbinore kayisino; ati shaqqitino wolqa jawaachishootto.

LAWISHSHA 10:21

Keeraanchu manchi arrawi lowo manna dhaawanno; gowwootu kayinni wodancha hoogansanni reyitanno.

LAWISHSHA 15:7

Egennaamu arrawi egenno halashshanno; gowwootu hedo kayinni hattoota di"ikkitino.

LAWISHSHA 16:21

Wodancha afi'rino mancho egennaamoho yinanni; danchu hasaawisinni manna adhanno.

ISAYAASI 35:3

Daafurtino anguwa jawaachishshe! Leqe leqe yitino gulubba kaajjishshe!

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

HIZIQEELI 13:22

«Ani gawajjammora hedoommokkire dancha manna, kapho coyidhinanni hexxonsa mursiissinanni; bushu manni bunshensa agure lubbotenni hee'rannokki gede assitinanni.

SOFFOONIYAASI 3:16

Hatte yannara wole gosa ate Yerusaalame, «Tsiyooni Katama, waajjitooti! Wolqakkino daaqqoonke.

LUQAASI 22:32

Ikkollana ammanakki ba'annokki gede ate daafira huucceemmo. Galagalte daatto woyite roduuwakki kaajjishi!» yii.

LUQAASI 22:43

Hattenne yannara jawaachishanno sokkaasinchi gordunni dirre leellisi.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

MARRO 3:28

Ikkollana, mannaho albisanni tenne la"atto baatto ragidhanno gede assannonsaha ikkino daafira, Iyyaasura assannore kulisi; jawaatannonna kaajjanno gede irkisisi» yiinoe.

QOLASIYAASI SOKKA 4:6

Mittu mittunkura labbanno dawaro qola dandiitinanni gede, coyi'ne wo'manka woyite coomminohanna gumu nooha ikko.

IBIRAAWOOTA 12:12

Kunnira, shaqqitinota anga'nenna daafurtinota gulubba'ne jawaachishidhe.