IYYOOBI 32:8 - Qullaawa Maxaafa

⁸ Ikkollana, mannaho egenno aannohu, Wo'manka Dandaanno Magani ayyaanaati.

IYYOOBI 32:8 ပူးပေါင်းရင်းမြစ်များ

KALAQAMA 41:38

Ferioonino ledosi gashshaanora, «Maganu ayyaana afi'rinoha togoo mancho wole diafi'neemmo» yiinsa.

KALAQAMA 41:39

Feriooni Yooseefira, «Konne coye Maganu atera leellishinohena, ate gedeehu egennaamunna hayyichu manchi wolu dino.

UMI MOOTOOLLA 3:12

kune huucci'roottore eemmohe. Kunni albaanni ayerano nookkita, kunni ka'ano afi'nannikki egennonna wodancha eemmohe.

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

UMI MOOTOOLLA 4:29

Kaaliiqi Selemoonira lowo hayyonna wodancha, hattonni gawalo nookki egenno uyinosi.

UMI MOOTOOLLA 5:9

Ane manni haqqa Libaanoosinni haa're baaru eelira massanno. Gamba assite usurteenna wayi duhe ati hasi'roottowa iillishanno gede assitanno. Hakkiicho ane manni usurroonni haqqe tire mannikkira aanno. Atino mootimma'ya mine hee'ranno mannira sagale sokke halcho'ya wonshatto» yee sokka soyi.

IYYOOBI 12:13

Maganunniwa egennonna wolqa no; amaalenna wodancha isiwa no.

IYYOOBI 12:16

Wolqanna egenno isiwa no; dogamannohanna dogannoha gashshannohuno isooti.

IYYOOBI 27:3

Maganu fooli giddo'ya noo geeshshanna, lubbotenni noommo geeshsha,

IYYOOBI 33:16

Hatte yannara, mannaho maccate coyi'ranno; mannano qorophishiishshisinni waajjishanno.

IYYOOBI 33:4

Kalaqinoehu Maganu ayyaanaati; lubbo worinoehuno, Wo'manka Dandaanno Magani fooleeti.

IYYOOBI 35:11

Saadatenninna ceatenni roorse egennaamma assinonkehuwa, Maganunniwa higa dibaxxanno.

IYYOOBI 38:36

Qo'laantete wayi lolahannota, lukkichoho xeena ganannota kulinohu ayeti?

LAWISHSHA 2:6

Egenno aannohu Kaaliiqaati; egennonna buuxa daggannohu isiwiinniiti.

LAWISHSHA 20:27

Giddoyidi hedo Kaaliiqi caabbichooti; wodanankeno fonqolte la'anno.

ROSIISAANCHO 2:26

Tashshi assannosihura Maganu hayyo, egennonna hagiirre aannosi. Cubbaataamoho kayinni Magano hagiirsiisannohura aanno gede gamba assatenna duunate dilgo calla aannosi. Kunino haafaho; diilallo cu'mate gedeeti.

ISAYAASI 28:26

Loosi'rannohura Maganisi, gara ikkino coye kulannosi.

DAANIEELI 1:17

Maganuno kuri shoolunku wedellira egennonna hayyo uyinsa. Qoleno borrote egenno wodancha uyinsa. Daanieelira kayinni hakkiinni sayise ajuujanna haaqee tirate egenno uyisi.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

UMI QORONTOOSI 12:8

Qullaawu Ayyaani mitoho coye coyi'rate hayyo aanno. Hakko Ayyaaninni, mitoho egenno giddo afidhino sokka aanno.

LAYINKI XIMOOTEWOOSI 3:16

Qullaawa Borro baala Maganunnihu Qullaawu Ayyaani kulanna borreessinoonnite. Tini borro halaale rosiisate, sodhinore seejjate, so'ro hoolatenna halaalaancho heeshshora ikkanno biddishsha aate kaa'litanno.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.