IYYOOBI 27:9 - Qullaawa Maxaafa

⁹ Halaalinta qarru daannosi yannara, Maganu huuccattosi macciishshannoni?

IYYOOBI 27:9 ပူးပေါင်းရင်းမြစ်များ

FAARSO 109:7

Yekkeeramirono garame higanno gede assi; huuccattosi nafa cubboho kiiranto.

FAARSO 18:41

Raartanno; kaa'lannonsaha kayinni diafidhanno; Kaaliiqiwa higge raartanno; isi kayinni didawarannonsa.

FAARSO 18:42

Bubbe kayissanno buko gede maniisseemmonsa; gudumaalu sabbi gede kakkadeemmonsa.

FAARSO 66:18

Wodani'yara cubbo maaxi'roommoha ikkoommero, Mootichu dimacciishshannoe.

LAWISHSHA 1:27

rakku hombobolattete gede, qarru bubbete gede, shettonna dadilluno lolahimma daanno'ne woyite qacifateemma'ne.

LAWISHSHA 1:28

Hatte yannara, woshshidhinannie. Ani kayinni yee diyeemma'ne; diinaggaabbine hasidhinannie; ikkeennano diafidhinannie.

LAWISHSHA 28:9

Seerasi ayirrisannokki manchi huuccatto, Maganoho battete.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ERMIYAASI 11:11

Kunnira, kune ani Kaaliiqi aanansa bao abbeemmo; baotewiinnino gatte diaffanno. Kaa'lote woshshidhuero nafa dimacciishsheemmonsa.

ERMIYAASI 14:12

Qatunte huuccidheenna nafa dimacciishsheemmonsa. Shilqote kakkalonna gidu fushshaate uyiteennaeno diadheemmo; roorenka insa olunni, hudetenninna dhibbunni gudeemmo» yiie.

HIZIQEELI 8:18

Addinta insa aana hanqo'ya dirriseemmo; horonta dimarareemmonsa. Digatiseemmonsa; raarte huuccidheenna nafa horonta dimacciishsheemmonsa» yiie.

HOOSEI 7:14

Daallasinsa aana haabbe raartannota ikkinnina wodaninsanni anewa higge dihuuccidhanno. Gidenna woyinete xajje afidhara kayinni dagate gede bisonsa huduuxxitanni huuccidhanno; ane aanano mokkookkitanno.

MIKIYAASI 3:4

Ki'neno qarrantine Kaaliiqiwa higgine raartinanni yanna dagganno. Isi kayinni didawaranno'ne. Busha looso loossinoonni daafira huuccatto'ne dimacciishshanno.

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.

LUQAASI 13:25

Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

YOHAANNISI 9:31

Maganu cubbaataammunnire macciishshannokkita egenninoonni. Maganu ayirrisannohurenna hedosi wonshannohunnire kayinni macciishshanno.

MARRO 1:45

Ki'neno galagaltine daggine Kaaliiqi albaanni wi'litinoonni. Kaaliiqi kayinni wi'la'ne qaale dimacciishshino; maccasino ki'ne widira diqolino.

YAIQOOBI 4:3

Huuccidhine afidhinannikkihuno, maalu hagiirrira yitine busha hedonni huuccidhinannihuraati.