IYYOOBI 27:2 - Qullaawa Maxaafa

² «Halaale'ya fushsha giwinohunni, heeshsho'yano qaraartinota assinohu, Wo'manka Dandaannohu Heeshshote Magani su'minni xaareemmo.

IYYOOBI 27:2 ပူးပေါင်းရင်းမြစ်များ

LAYINKI SAAMUEELI 2:27

Iyoaabino, «Heeshshote Magani afanna, ati tenne coyi'ra hoogoottoro manni'ya ga'a soodo geeshsha ki'ne shorra diaguraraati» yee dawarisi.

UMI MOOTOOLLA 17:1

Geleaadi gobbara Tishibi yinanniwa ilaminohu himanaanchu Eeliyaasi Akiaabira, «Soqqameemmosihu Israeelete Magani Kaaliiqi afanna, ani coyi'reenna ikka geeshsha 2 woy 3 diri geeshsha baattote aana loju woy xeenu dihee'ranno» yiisi.

UMI MOOTOOLLA 18:15

Eeliyaasino, «Soqqameemmosihu Olantote Mootichi Kaaliiqi halaali afanna, techo ani moote Akiaabira leelleemmo» yee dawarisi.

LAYINKI MOOTOOLLA 4:27

Maganu manchiwa iillituhu gedensaanni baattote gombisante lekkasi cu'midhu; Giyaazi hoolara dayita, Maganu manchi kayinni, «Agurise! Lowo geeshsha qarrante ikkitanni nooti dileeltannohe? Kaaliiqi kayinni qarrase dikulinoe» yii.

IYYOOBI 10:3

Ane angakkinni kalaqoottoeha mishakkinna, cubbaataammu assitannore baxakki garahoni?

IYYOOBI 16:11

Maganu bushu mannira sayise uyinoe; kaajjaddu anga tuginoe.

IYYOOBI 19:6

Qarru giddo tuginoehunna, amaddanno woshshaado worinoehu, Magano ikkinota affinara hasi'reemmo.

IYYOOBI 23:16

Maganu wodana daaqisinoe; Wo'manka Dandaanno Magani masisinoe.

IYYOOBI 34:5

«Iyyoobi, ‹Ani keeraanchoho; Maganu kayinni halaale'ya difushshino.

IYYOOBI 35:2

«Ati, ‹Ani Maganu albaanni fayyaaleessaho› yootto; halaalintanni hatto yaakki atera garahoni?

IYYOOBI 40:8

Umokki keeraancho assite, ane halaale dawisoommohu gede kiirate wo'naaltanni nootto?

IYYOOBI 9:17

Bubbetenni cancanannoe; assoommori nookkiha lede lede madiissannoe.

IYYOOBI 9:18

Foole qo'la nafa diaannoe; heeshsho'ya shettonnita assanno.

ISAYAASI 40:27

Yaiqoobi sircho! Israeelete gosa! «Kaaliiqi qarra'ya diafino; halaaleno difushshinonke» yitine mayira gunguntinanni?

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 5:2

Ki'neno, ‹Heeshshote Magani Kaaliiqi halaaleeti› yitine, ane su'minni xaartinanni; xaartinoonni xaaro kayinni qoltine diigginanni.

HIZIQEELI 33:11

Ani Mootichu Kaaliiqi heeshshote Magano ikka'yanni xaareemmona, cubbaataamu manchi, cubbo loosa agure lubbotenni hee'ranno gede ikkinnina cubbisinni reyanno gede horonta hasi'reemmokkita kulinsa. Kunnira, ‹Israeele, busha looso'ne agurre; reyo mayira hasidhinanni?› yite kulinsa.

KIIRO 14:21

Ikkollana ani heeshshote Magano ikka'yanninna ayirrinyi'yano baatto baala wo'minoha ikkino deerrinni,

RUUTI 3:13

Sooda geeshsha agari; soodanno woyite hakku manchi raggete maahoyye yaannoronna hoogannoro xa'me afeemmona. Isi ragi'rannoheha ikkiro danchaho; giwannoha ikkiro kayinni, ani ragi'reemmohe gede Heeshshote Kaaliiqi su'minni xaareemmo. Xa kayinni sooda geeshsha goxi» yiise.

UMI SAAMUEELI 14:39

Israeele hobbaate qolino Kaaliiqi halaaleeti! Beetti'ya Yoonaataani nafa cubbo loosinoha ikkiro reyo» yii. Ikkollana tenne te'enne yiinohu mittuno dino.

UMI SAAMUEELI 14:45

Mannu kayinni Saaoolira, «Israeelete kageeshshita jawa qeelle abbinohu Yoonaataani reya garahoni? Horonta digaraho! Techo konne assinohu Maganu kaa'leennaatina, Kaaliiqi afanna umisi dananchi tae uulla diuwanno» yii. Kunni garinni mannu Yoonaataani reyotenni wodisi.

UMI SAAMUEELI 20:21

Hakkunni gedensaanni soqqamaancho'ya, ‹Marte worbicho abbi› yee soye, ‹Worbichu kuu"une atera kawaanni noona haadhe amo› yeemmoha ikkiro, Heeshshote Kaaliiqi halaaleeti, bushu coyi di"iillannohena fulte amo.

UMI SAAMUEELI 25:26

«Mooticha'ya, Heeshshote Kaaliiqi su'minni xaareemmana, halaalikki afanna rabbisi'rate yite anga sa"attokki gede Kaaliiqi agarinohe. Xaano baarigaarrakkiranna ate gawajjitara hasidhannorira Naabaalira iillannori iillonsa;

UMI SAAMUEELI 25:34

Gawajjeemmohekki gede agarinoehu Israeelete Magani Heeshshote Kaaliiqi afanna, togo anewa rakke daa hoogoottaro, ga'a soodo Naabaali mine noo labballi mittuno gatikkinni goofe hoogino» yiise.