9 Maganu, agana gomichunni diwanno.
Hatte yannara Selemooni, «Kaaliiqa Magano'ya, ati, ‹Kolishshu gomichi giddo hee'reemmo› yootto.
Gordunna baatto qasidhinowa ha'ramanni, la"annokki gede kolishshu gordi golinosi› yaatto.
Gomicho dukkote gede asse golinsa; hashshirano xawaabba uyitanno giira qixxeessinsa.
Gomichunna tunsichu gaangaawisira no; gashshootisi keeraanchimmatenna halaalu aana xintaminoho.
Mannu fafe uurre hee'reenna, Muse Kaaliiqi noowa kolishshu gomichiwa shiqqi yii.
Ledokki mittuno dayonke; mittuno ilaalu aana leelloonke; mitte saadano hayisso ittara ilaalu hundira shiqqoonke» yiisi.
Reyannokkihu iso callaati; ayino gamba yaa dandaannokki xawaabbi giddo hee'ranno. Iso ayino illetenni dilaino; la"ano didandaanno; ayirrinyunna hegere wolqa isira ikkito. Hamii'ni.
