IYYOOBI 24:1 - Qullaawa Maxaafa

¹ Iyyoobi lede coyi'ranni, «Wo'manka Dandaanno Magani yoote barra mura mayira giwi? Soqqamaanosi yoote barra agadhitanni, mageeshshi geeshsha keeshshitanno?

IYYOOBI 24:1 ပူးပေါင်းရင်းမြစ်များ

KALAQAMA 18:17

Kaaliiqino, «Ani asseemmore Abirihaamira maaxeemmoni?

KALAQAMA 7:4

Lamalu barri gedensaanni, 40 barranna 40 hashsha baattote aana xeena dirrise, kalaqoommo kalaqama baalanka huneemmo» yiisi.

IYYOOBI 15:20

«Bushu manchi manna xiiwanno daafira, dirisi baalunkunni qarru isiwiinni difafanno.

FAARSO 31:15

Heeshsho'ya wo'manti angakki no; baarigaarra'ya anganninna shorritannoeriwiinni gatisie.

FAARSO 36:10

Bagamannokkiha baxillekki egentinoherira, shaqqillekki wodana subbinorira dirrisinsa.

FAARSO 9:10

Kaaliiqa, ati hasidhannohere tugge agurattonsakki daafira, su'makki egentinori baalu addaxxitannohe. Kaaliiqa, ati hasidhannohere tugge diagurattonsa.

ROSIISAANCHO 3:17

Anino wodani'yanni, «Wo'munkuri baxxannoti yanna noo daafira, Maganu cubbaataamono halaalaanchono yoonniwa abbanno» yee hedoommo.

ISAYAASI 2:12

«Ani wolqaataamoho» yee naaxxannoha baala hatte yannara Olantote Mootichi Kaaliiqi shollishanno.

ISAYAASI 60:22

Insa giddonni ajjino ilama kume, wo'munkura maa'ne ikkitinori, wolqaataame gosa ikkitanno; ani Kaaliiqi kuni coyi yannasinni rahe wo'manno gede asseemmo» yii.

ERMIYAASI 46:10

Hakku barri, ani Olantote Mootichi Kaaliiqi diina'ya rabbisi'reemmo barraati; bise mundee agge goo'ro fulta geeshsha, lowo manna shakki assitanno. Ani Olantote Mootichi Kaaliiqi, aliyyeenni Efiraaxisi Wayi mule noo manna, kakkalamanno gede asseemmo.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

ABIDIYU 1:15

Lede, «Ani Kaaliiqi dagate yoo yeemmo barri mule no. Ki'ne Edoomi gosa, woloota assitinoonni beebba, ki'nerano iillitanno; assitinoonniri qole amadanno'ne.

SOFFOONIYAASI 1:7

Kaaliiqi yoo barri gambisinona, Mootichu Kaaliiqi albaanni sammi yiiyye. Kaaliiqi manna, kakkalote gorrinanni saada gede gorrara qixxaawanni no. Wosinasino kakkalote sagalera keereensino.

MAATEWOOSI 24:38

Hakka waro baote wayi daara albaanni Nohi markaawe ei barri geeshsha, mannu itanninna aganni, adhanninna adhamanni no.

YOHAANNISI 17:3

Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.

SOQQAMAASINETE LOOSO 1:7

Yesuusi kayinni, «Annu roorresinni hirqino yannanna diro afate ki'nera diuyinoonni'ne.

SOQQAMAASINETE LOOSO 17:26

Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

UMI TESELONQE 5:1

Roduuwa, hatte yannarenna hakko barrire borreessinammo'nera dihasiisanno.

UMI XIMOOTEWOOSI 4:1

Qullaawu Ayyaani xawise, «Gedensiidi yannara mitu mitu manni so'risiissanno ayyaannanna durriisu rosi hoode ha'ranni ammana aguranno» yaanno.

UMI XIMOOTEWOOSI 6:15

Kiristoositi layinkimeeshshi daa, maassaminohunna callichisi gashshaanna ikkinohu mootoollate Moote, mootoollete Mootichi yiino barra ikkitanno.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.