IYYOOBI 2:8 - Qullaawa Maxaafa

⁸ Iyyoobino biso duuqqara bacce adhe, buluulu aana ofolli.

IYYOOBI 2:8 ပူးပေါင်းရင်းမြစ်များ

LAYINKI SAAMUEELI 13:19

Taamaari umise aana buluulo giggishshidhe, imaanase daddarte, anga umoho wodhite raartanni hadhu.

ASTEERI 4:1

Merdookiyoosi konne assinoonni coye baala macciishshe dadillunni uddanosi dari; hakkunni gedensaanni xiddu uddano uddi're umisi aanano buluulo giggishshi're qoonqosi naggi asse heqqifate wi'lanni katamu giddo ka'anna kawa ha'ranni raataawi.

ASTEERI 4:3

Mootete lallawu iillino gobba baalate heedhanno Ayihudooti raarte wi'litu; itanna aga agurte raarte wi'litu. Lowo mannino xiddu uddano uddi're buluulu aana ofolli.

IYYOOBI 2:9

Ayiddaamasino, «Xaa geeshsha guuttella nootto? Magano xonte direyatto?» yitusi.

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

FAARSO 38:5

Hambe'yanni kainohunni, mada'ya shante bobbu.

FAARSO 38:7

Fooggalunni kainohunni giiramoommo; lowo geeshsha dhiwamoommo.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ERMIYAASI 6:26

Kaaliiqi mannisira, «Guda'nera dayino diini, hedeweelcho bala tuga'neraatina, xiddu uddano uddidhine buluulu aana ofolle! Afi'rinoha mitto beetto shii'rino manchi gede, hururantine wi'le.

HIZIQEELI 27:30

Baalunku umoho buko giggishshidhe, buluulu aana gongo'mitanni baokki daafira heqqifatte wi'litanno.

YOONAASI 3:6

Nennewe moote konne coye macciishshe, ayirradu barcimisi aaninni dirre, mootimmate uddanosi fushshe xiddu uddano uddi're buluulu aana ofolli.

MAATEWOOSI 11:21

«Koraaziinira aanne'e; Beetesayidaho aanne'e; ki'ne giddo assinoonni maalale Xiroosinna Sidooni katammara assinoommero, hakkiicho hee'ranno manni xiddu uddano uddi're, buluulo aanaho giggishshi're, bi're albanni aagintaawe higinohu baino.