IYYOOBI 18:8 - Qullaawa Maxaafa

⁸ Ha'ranno doogo, massite woshshaadote giddo tuggannosi.

IYYOOBI 18:8 ပူးပေါင်းရင်းမြစ်များ

ASTEERI 3:9

Moote, tenne gosa shine gundanni gede lallawa fushshittoro woyyate. Hatto assittoro, gashshootikki haja kaa'late ikkanno gede 340,000 kiilo keenannoha kinchu birra abbe mootimmannihura miinju mine woreemmo» yii.

ASTEERI 6:13

Mare iillihu gedensaanni galtesiranna jaallasira iillinosi coye baalanka kulinsa. Galtesinna egennaammu jaallasi, «Kuneeti angakkinni gashshootekki Merdookiyoosira aate mule nootto. Isi Ayihudicha ikkinka woyite assite afattosiri dino; halaaleho isilla qeelannohe» yitusi.

ASTEERI 7:10

Kunnira Haama Merdookiyoosi sutara qixxeessino dawera massine sunti. Hakkunni gedensaanni mootete hanqi qiidi.

ASTEERI 7:5

Hakkunni gedensaanni moote Arxekisiisi, «Togo assate kainohu isi ayeti? Tenne hedino manchi xa hiikko no?» yee mootitte Asteeri xa'mi.

IYYOOBI 18:9

Gindesi woshshaado amaddanno; hakkiichinnino milli yaannokki gede assitannosi.

IYYOOBI 19:6

Qarru giddo tuginoehunna, amaddanno woshshaado worinoehu, Magano ikkinota affinara hasi'reemmo.

IYYOOBI 22:10

Woshshaado doyissitinohehunna, hedeweelchu masilli amadinohehu kunniraati.

IYYOOBI 5:5

Hawanyu gamba assi'rinoha, hudi'rinohu itanno; utu giddo laalinoha nafa diaguranno; jirosi goo'rinohu yogoranno.

FAARSO 35:8

hedeweelcho dano iillitonsa; untino bale egemmitonsa.

FAARSO 9:15

Daga uminsa untino balera ubbu; wortino woshshaadonni lekkansa amadantu.

LAWISHSHA 29:6

Bushu manchi loosino cubbinni amadamanno; keeraanchu kayinni hagiidhanni faarsanno.

LAWISHSHA 5:22

Busha mancho assino cubbi amadannosi; umisi cubbi woshshaado ikkannosi.

ISAYAASI 24:17

Baattote aana heedhinanniri baalu macciishshe; waajjillu, balenna woshshaado agarte noo'ne.

ISAYAASI 24:18

Waajjishanno luulo xooqannohu, balete giddo uwanno; balete giddonni fule xooqannoha woshshaado amaddanno; iiminni wolqaataame barada dirritanno; baattote xinti shafamanno.

HIZIQEELI 32:3

Lowo daga gamba yitanno yannara, woshshaado'yanni amadeemmohe. Woshshaado'yanni goshooshshe qacce fushshitannohe gede asseemmo.

UMI XIMOOTEWOOSI 3:7

Mishamatenna Sheexaanu woshshaado giddo uwannokki gede, ammaninokki manni mereero dancha su'ma afi'rinoha ikka hasiissannosi.

UMI XIMOOTEWOOSI 6:9

Dureeyye ikka hasidhannori kayinni jifante ubbanno. Manna doonsitannotenninna huntannotenni haafunna hamaamukkitte yortonni woshshaadantanno.

LAYINKI XIMOOTEWOOSI 2:26

Kunni garinni galfatte higge, Daawuloosi hedosi wonshitara woshshaadinonsawiinni gatte fultanno.