6 Minisi tunsanno; caabbichisino xoanno.
Xawaabbu nookkiha tunsichu giddo babbaattitanno; dimbinohu gede ikkite gaggabbanno.
Duroo'mino gedeenni dihee'ranno; jirosino ledosi dikeeshshitanno; baattote aana hincilaallosi nafa diheedhanno.
Hee'rannohunni danchu minisinni fule, busha reyo reyanno.
«Cubbaataammu caabbichi xoe egenninoni? Insa giddonni qarra afe egenninohu nooni? Maganu bushuulle hanqunni gane egenninoni?
Hatte yannara, tunsichu giddo noommo woyite, Maganu caabbichi ha'reemmo doogo kulinoe.
Ati caabbicho'ya xawisattoena; ati Kaaliiqi Magani'ya tunsicho'ya haadhe hoolatto.
Boonaleessaho, boollaqi'rannohuranna bushaho caabbichinsa cubboho.
Bushu geedo diafi'rino; caabbichisino xoanno.
Bushu manni doogo kayinni beebbu tunsichi gedeete; sarraaqe tugannonsareno diaffanno.
Ani ate huneemmo yannara gordo diweemmo; beeddaheno tunsiiseemmo. Arrishsho gomichu giddo maaxantanno; aganuno dixawanno.
Kunni ka'a giddokki caabbichu dihee'ranno; adhannohunna adhantannote huuro, kunni ka'a giddokki dimacciishshinanni. Daddalaasinekki baattote aana egennantino wolqaataammaati; bitakkinni manna baala so'risiisootta.
