IYYOOBI 14:4 - Qullaawa Maxaafa

⁴ Battaawinori giddonni battaawinokkire, fushshara dandaannohu nooni?

IYYOOBI 14:4 ပူးပေါင်းရင်းမြစ်များ

KALAQAMA 5:3

Addaami 130 diro ikkisita, iso umosi lawannoha labbaa beetto ili; su'mano Seeti yee fushshisi.

IYYOOBI 15:14

«Mannu fayyaaleessa ikkara dandaannoni? Halaalinta Maganu albaanni keeraanchu nooni?

FAARSO 51:5

Ilamummo barrinni kayise ani bushaho; godowamummo yannanni kayise ani cubbaataamoho.

FAARSO 51:7

Keeraa'meemmona, garambichunni wixie; kaadetenni roore waajji'reemmo gede hayishshie.

FAARSO 90:5

Ninke albakkiinni haaqeete gedeeti; lolahu gede hedeweelcho haadhe ha'rattonke. Ninke soodo mudhanno hayisso gedeereeti.

LAWISHSHA 20:9

«Wodani'ya keeraanchoho; cubbuno dinoe» yaannohu nooni?

LUQAASI 1:35

Sokkaasinchu qole, «Qullaawu Ayyaani ate aana dirranno; Wo'munkura Aliidi Magani wolqa caalshiishshannohe. Kunnira ati ilatta qaaqqo Qullaawu Maganu Beetti yinanni.

YOHAANNISI 3:6

Mannunni ilamannohu mannaho; Ayyaanunni ilamannohu kayinni ayyaanaamoho.

ROOMU SOKKA 5:12

Mittu manchinni kainohunni cubbu tenne alame eino; reyo cubbu widoonni higge daggino. Mannu baalu cubbo loosino daafira, reyo manna baala amaddino.

EFESOONI SOKKA 2:3

Ninke baalunku hakko manni gede halchonkenna hedonke garinni maalu yorto wonshinanni hee'noommo. Wolu manni gede kalaqaminkenni Maganu hanqi giddo hee'noommo.