IYYOOBI 14:1 - Qullaawa Maxaafa

¹ «Mannu heeshsho haranchote; iseno qarru wo'minote.

IYYOOBI 14:1 ပူးပေါင်းရင်းမြစ်များ

KALAQAMA 3:17

Addaamirano, «Galtekki qaale macciishshite, ‹Ittooti› yoommohe haqqicho laalo itoottohura, atenni kainohunni baatto rumantinota ikkito; heeshshokki diri baalunkunni daafurte loosse itatto.

KALAQAMA 47:9

Yaiqoobino, «Basetenni base sa"anni hee'roommohu 130 dirooti; kunino haranchohonna qarru bati'rino dirooti; annuwa'yahu geeshshano di"ikkino» yiisi.

LAYINKI MOOTOOLLA 4:19

Isino, «Woo! Umo'ya! Umo'ya!» yaanni annaho ku'li. Annisino soqqamaanchisira, «Haadhe amasiwa massisi!» yii.

IYYOOBI 10:20

Hattenne gattinoe yanna giddo, fooliishshi'reemmona agurie.

IYYOOBI 15:14

«Mannu fayyaaleessa ikkara dandaannoni? Halaalinta Maganu albaanni keeraanchu nooni?

IYYOOBI 25:4

Maganu albaanni, mannu keeraa'mara, ilaminohu baalu fayyaaleessa ikkara dandaannoni?

IYYOOBI 25:5

Kuneeti Maganu albaanni aganu nafa xawado di"ikkino; beeddaheno albasiinni co'o yitinota di"ikkitino.

IYYOOBI 5:7

Xoxinu giirate aaninni ka"annonte gede, mannuno hatto qarraho ilamino.

IYYOOBI 7:1

«Baattote aana mannu heeshsho daafurunnita di"ikkitino? Hee'nanni barri qaxarame loosanno manchihu gedeeha di"ikkino?

IYYOOBI 7:6

Barri'ya hexxo nookkiha goofanno; uddano gannanni mooqqonni roore muddame qacce fulanno.

IYYOOBI 9:25

«Barri'ya dodanno manchinni roore ariiffatanno; mittu hagiirrino nookkiha xooqanno.

FAARSO 39:5

Kuneeti diro'ya haransootto; ate kiirora, hee'reemmo yanna dinoote. Lubbote noo manni baalu diilallote gede ikke sa"annoho.

FAARSO 39:6

Beebballa daafurannota ikkinnina, mannu caalimma sa"annoho; duunannota ikkinnina ayi gudhannoro diafino.

FAARSO 51:5

Ilamummo barrinni kayise ani bushaho; godowamummo yannanni kayise ani cubbaataamoho.

FAARSO 89:47

Diri'ya mageeshshi geeshsha haranchohoro lai; halaalintanni manna beebballa kalaqootto yaateni!

ROSIISAANCHO 2:17

Kalqete aana noori baalu dadillisannoha ikkinohura heeshshonti giwissinoe. Mannu assannori baalu haafaho. Diilallo cu'mate gedeeti.

ROSIISAANCHO 2:23

Barra baala loosisi daafira yaadanninna caaccaawanni hee'ranno. Wodanisi hashshano difooliishshi'ranno. Kunino haafaho.

ERMIYAASI 20:18

Qarranna shetto afate, diro'ya saalunni gudate, hanni ama'ya godowi giddonni mayira fulummo?

MAATEWOOSI 11:11

Halaale kuleemmo'nena, baattote aana ilamino manni giddo Cuuaancho Yohaannisi roorannohu dino. Gordu Gashshootira kayinni woriidiha ikkinohu roorannosi.