IYYOOBI 13:3 - Qullaawa Maxaafa

³ Ikkollana, gereerama'ya Wo'manka Dandaanno Magani ledooti ikkinnina, ki'ne ledo di"ikkitino. Kunni daafira, haja'ya isi ledo coyi'rameemmo.

IYYOOBI 13:3 ပူးပေါင်းရင်းမြစ်များ

IYYOOBI 11:5

Maganu coyi're halaale kuloommehero, hiittoo danchaati!

IYYOOBI 13:15

Kuneeti, Maganu hasi'riro shooe; ani kayinni isolla hexxeemmo; danduummo geeshsha isi ledo coyi'rameemmo.

IYYOOBI 13:22

Ani dawareemmona, ati balaxxe coyi'ri. Woy ani balaxe coyi'reemmona, ati dawarie.

IYYOOBI 31:35

«Ani coyi'reemmota macciishshannoehu hee'roommero, coyi'reemmo coyi halaale ikkinota xaaranni egensiiseemmo. Wo'manka Dandaanno Maganino, dawaro qoloe. Coyi'rannoere borreessannohu hee'roommero, woyyannohu baino.

IYYOOBI 40:2

«Halaalinta ati Wo'manka Dandaanno Magani ledo yekkeeramootto; xa sammi yaattonso, dawaro qolatto?» yiisi.

IYYOOBI 5:8

«Ani ate ikkoommoro Maganunniwa higeemmo; qarra'yano isira hasaapheemmo.

IYYOOBI 9:3

Isi ledo coyi'ramara hasi'riro, kumu coyi giddonni mittunni nafa garara didandaanno.

ISAYAASI 41:21

Israeelete moote Kaaliiqi qole, «Ki'ne dagate maganna, hanni ku'lo'ne adhitine shiqqe! Hanni taje'neno abbidhe!

MIKIYAASI 6:2

Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.