IYYOOBI 12:7 - Qullaawa Maxaafa

⁷ «Hanni saada xa'mi; rosiissannohena, kultannohena, buubbanno ceano xa'mi.

IYYOOBI 12:7 ပူးပေါင်းရင်းမြစ်များ

KALAQAMA 1:21

Kunni garinni Maganu lowiddaanna baaru moyichubba, wolootano wayi giddo heedhannorenna milli yitannore addi addi kalaqama hattono addi addi dani cea kalaqi. Maganu hakkuno dancha ikkinota lai.

KALAQAMA 1:25

Kunni garinni Maganu addi addi moyicho, addi addi saada, baattote aana godowunni hadhanno kalaqama danu danunkunni kalaqi. Maganu hakkuno dancha ikkinota lai.

IYYOOBI 12:6

Mooraanonna Magano affinokkiri, minensa keere heedhanno, qolteno, ‹Maganu anganke no› yitanno.

IYYOOBI 12:8

Woy baattote aana noo haqqera coyi'ri; insano rosiissannohe; baaru qulxu'meno xa'mi; insano kultannohe.

IYYOOBI 8:10

Insa rosiissannohehunna kultannohehu, uminsa afidhino egennonniiti.

LAWISHSHA 30:24

Baattote aana busulletenni egennaminori, shoolu shiimmaaddu kalaqami no:

LAWISHSHA 6:6

«Ati cee'maleessu hanni gooxaamunniwa mari; ikkitosi buuxxe la'e atino hayyoo'mi.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ERMIYAASI 8:7

Rumichu, lembooli, teenni-qocenna qo'laante, hawado darante hadhe, arro galagalte higganno yanna egentino. Ki'ne manni'ya kayinni, ani oommo'ne hajajo diegentinoonni.

ROOMU SOKKA 1:20

Alame kalaqantuhunni kayise mannaho leellannokkihu Maganu dani, hegere wolqasinna Maganimmasi, isi kalaqino kalaqami aana xabbe leeltanno. Kunnira, affanni heedhe assitanno bunshera ku'lite gattannori dinonsa.