IYYOOBI 1:5 - Qullaawa Maxaafa

⁵ Jilu yanna sa'uhu gedensaanni, Iyyoobi barru barrunkunni soodo gute kae, mittu mittunku oososi su'minni shilqote kakkalo shiqishanno. Hatto assannohuno, «Miteekkite ooso'ya duubbe Kaaliiqa wodaninsanni xontinoha ikkanno» yee waajjinohura insa keereensateeti. Iyyoobi konne coye agurikkinni wo'manka woyite assanno.

IYYOOBI 1:5 ပူးပေါင်းရင်းမြစ်များ

KALAQAMA 22:3

Abirihaami soodo gute kae kakkalote ikkitanno haqqe boce, harrichoho hogowi; lame soqqamaanosinna beettosi Yisihaaqi anga adhe Maganu kulinosiwa ha'ri.

KALAQAMA 6:5

Kaaliiqi mannu bunshe baattote aana batidhinota, wodaninsa hedonna yortonsa duuchanka woyite horonta busha ikkitinota afi.

KALAQAMA 8:20

Nohi Kaaliiqira kakkallanni darga seekki; maala intanni saadanna maala intanni cea baalante giddonni danu danunkunni mitto mitto haa're, shilqote kakkalo asse shiqishi.

UMI MOOTOOLLA 18:31

Hakkunnira albaanni Kaaliiqi, «Israeeli» yee fushshinohu tonaa lamunku Yaiqoobi ooso su'minni 12 kincho haa'ri.

UMI MOOTOOLLA 21:10

Hakkunni gedensaanni, ‹Maganonna moote shollishootto› yitannore 2 yawaawuloota qixxeesse. Isono katamaho gobbaanni fushshitine kinnatenni gantine shiiyye» yitannote.

UMI MOOTOOLLA 21:13

Lamunku yawaawulootu naqaashshe Naabute mule ofoltu. Mannu baalunku albaanni ka'e, «Naabute Maganonna moote shollishino» yitu. Hakkunni gedensaanni Naabute katamaho gobbaanni fushshite kinnatenni gante shitusi.

NEHIMIYA 12:30

Qeesootunna Leewaawootu uminsara, mannaho, huxxu waalchuwaranna katamu huxxi daafira keereensate woga wonshitu.

IYYOOBI 1:11

Angakki diriirsite afi'rinore baala haadhe hooloottoro, halaalinta ati la'anna xonannohe» yiisi.

IYYOOBI 1:4

Iyyoobi ooso labballiti mimmitunniwa bado ga'nite jila ji'lite, sasenta seenne roduuwansa insawa woshshite, ledonsa ittanninna agganni hagiidhitanno.

IYYOOBI 2:9

Ayiddaamasino, «Xaa geeshsha guuttella nootto? Magano xonte direyatto?» yitusi.

IYYOOBI 27:10

Wo'manka Dandaanno Maganinni tashshi yaannosini? Wo'manka woyite Magano huucci'rannoni?

IYYOOBI 41:25

Isi ka"anno yannara, wolqaataammu nafa massanno; waajjite xooqqe ba'anno.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

IYYOOBI 6:14

«Ane marara hoogginiero, Wo'manka Dandaannoha Magano diwaajjitinoonni yaate.

IYYOOBI 8:4

Oosokki isi aana sao assitinoha ikkiro, insa saonsara malinore adhitino.

FAARSO 5:3

Kaaliiqa, soodimaroho qoonqo'ya macciishshatto. Anino soodimaroho huuccatto'ya atewo shiqishi're dawaro agadheemmo.

FULO 18:12

Hakkunni gedensaanni, Yootoori shilqote kakkalonna wole kakkalono Maganoho qixxeessi. Aarooninna Israeelete geerri baalunku Maganu albaanni Yootoori ledo sagale ittara gamba yitu.

FULO 19:10

Kaaliiqi Musera, «Mannunniwa marte techonna ga'a keeraa'mitanno gedenna imaanansano hayishshidhanno gede kulinsa.

FULO 24:5

Gudinse shilqinshanniteranna mittimmate kakkalora Kaaliiqira middoota shiqishshannore Israeelete wedella soyi.

ROSIISAANCHO 9:10

Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

ERMIYAASI 4:14

Yerusaalame, gata hasi'rittaro wodanikki giddonni bunshe huni; sao giddo wodhite mageeshshi geeshsha keeshshatta?

HIZIQEELI 14:14

Nohi, Daanieelinna Iyyoobi giddonsa heedhuro nafa, keeraanchimmansa insa umonsalla gatissannota ikkinnina wole digatissanno. Konne coye coyi'roommohu ani Mootichu Kaaliiqaati.

LUQAASI 1:75

Kunni garinni hee'noommo diri baalunkunni, Isi albaanni qullaambetenninna keeraanchimmatenni hee'neemmo.

LUQAASI 18:7

Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

YOHAANNISI 11:55

Hatte yannara Ayihudennihu Agure Sa"ate Ayyaani iille no. Lowo manni Agure Sa"ate Ayyaani barri eikkinni seeru garinni keeraa'mate yee, dargu dargunkunni kae Yerusaalame dayi.

SOQQAMAASINETE LOOSO 21:26

Layinki soodo Phaawuloosi isonoo mannu ledo keereensi'ri. Hakkunni gedensaanni, keeraa'mate barri goofannohunna mittu mittunku daafira uyinanni fushshaate mamoote shiqinshanniro egensiisate Qullaawu Minira ei.

SOQQAMAASINETE LOOSO 8:22

Tenne bunshekkira gaabbite aagintaawi; miteekke wodanikki bunshe agurannoheha ikkannona Magano huucci'ri.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

LAYINKI QORONTOOSI 11:2

Mitte seemo beetto seemimmasenni adhannohura huuccinanninte gede, anino ki'ne Kiristoosira huuccoommo'ne daafira, ki'nera ayyaanaame laala nooe.

EFESOONI SOKKA 6:18

Wo'manka woyite hasiisanno coyi baalaho, Qullaawu Ayyaaninni huuccidhe. Hakko garinni qullaawu manni baalahono jaattine huuccensa.

UMI SAAMUEELI 16:5

Saamueelino, «Ee, keerunkunnilla dayommona, Kaaliiqira kakkalo shiqishammoraati. Ki'neno umo'ne keereensidhine ane ledo kakkalonniwa amme» yiinsa. Hakkunni gedensaanni Isseyinna oososi keereense, kakkalonniwa dagganno gede koyisinsa.