IYYAASU 9:9 - Qullaawa Maxaafa

⁹ Insano, «Mooticha! Ninke dangoommohu lowo geeshsha xeerto gobbanniiti. Magani'ne Kaaliiqi ki'ne kaa'latenni Gibitsete aana assinore baala macciishshinoommo.

IYYAASU 9:9 ပူးပေါင်းရင်းမြစ်များ

UMI MOOTOOLLA 8:41

«Wole gobba manni ate duduwonna mannakki jawaata angakkinninna wolqaataame cigilekkinni assite fushshootto gara macciishshe, magansi'raheranna huucci'rahera kunni Minira daanno yannara,

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 148:13

Su'misi wole su'muwanni rooranno; ayirrinyisino baattotenna gordoho aleenniiti. Kunnira, wo'munku Kaaliiqi su'ma galato.

FAARSO 72:19

Galataminohu su'misi hegere hegerera maassamo; galatisino baatto baala wo'mo! Hamii'ni! Hamii'ni!

FAARSO 78:12

Gibitsete gobbara Tsoaani yinanni xawira, annuwansa la'anna Maganu maalale loosino.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FULO 15:14

Daga tenne macciishshite, waajjite huxidhu; Filisxeemootano waajjillu amadinsa.

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

ISAYAASI 55:5

Ani Israeelete Qullaawi Magani'ne Kaaliiqi ayirrinye oommo'ne daafira, affinoonnikki gashshaano woshshitinanni; egentino'nekkirino namoomate rakke ki'newa dagganno» yii.

ISAYAASI 66:19

Qorichishoommonsahu ane ikkoommotano affanno. «Ikkollana, insa giddonni shiima manna gatise, ane ewelumma egentinokkiriwanna ayirrinye'ya affinokkiriwa addi addi gosawa: Terseesi, Liibiya, olte sodhannokki gosawa Liidiya, Tubaalinna Giriike soyemmo. Tenne gosara ane ayirrinye kultanno.

KIIRO 14:15

Xa kayinni konne manna shite gudittoro, atere macciishshitino daga baala,

KIIRO 20:14

Muse Qaadesinni Edoomi mootera manna soye, «Roduuwikki ninke Israeelete gosara iillinonke qarra ati afootto.

SOQQAMAASINETE LOOSO 8:7

Busha ayyaannano lowo qaalinni raarte lowo manni giddonni fultu. Lowo laanshaawootinna naafootu hurtu.

MARRO 20:11

Kataminsa waalcho fante haadhu'neronna keerunni anga uyituro, mannu wo'munku ki'ne borojje ikke, wolqate looso looso'nena.

MARRO 20:15

Mule'ne noo gosata ikkitukkinni faffe noo katamma hatto assitinanni.

IYYAASU 9:10

Qoleno, Yordaanoosira widoonni soojjaati ragaanni noore 2 Amooraawootu mootoolla assinota baala macciishshinoommo. Insano, Astaarooti katamira hee'rannohu Baasaani moote Aagitinna Hasebooni moote Sewooniiti.

IYYAASU 9:16

Gondooro e'uhunni sayikki barra kuni manni mulinni dayinoha ikkinota Israeelootu affu.

IYYAASU 9:17

Kunnira, Israeelete manni konne manna faana gane 3 barri gedensaanni katammansa iilli. Katammansano Gebaooni, Kefiira, Be"erootinna Qiriyaati-Yiariimi yinannireeti.

IYYAASU 9:24

Insano, «Mooticha! Magani'ne Kaaliiqi ki'ne alba higgine qaaffini deerrinni, hakkiicho hee'ranno manna shaatenni baatto ragisiisa'nera soqqamaanchosi Muse hajajino gede anfoommo. Togo assinoommohuno, ki'ne waajjatenni kainohunni lubbonke gatisi'rate yineeti.