IYYAASU 9:8 - Qullaawa Maxaafa

⁸ Gebaooni manni Iyyaasura, «Ninke soqqamaanokkiiti» yitusi. Iyyaasu qole, «Ki'ne ayeooti? Hiikkiinni dagginoonnireeti?» yee xa'minsa.

IYYAASU 9:8 ပူးပေါင်းရင်းမြစ်များ

LAYINKI MOOTOOLLA 10:5

Kunnira mootete mini roorrichi, katamu gashshaanchi, geerrunna Akiaabi sircho amadde noori mitteenni Iyura, «Ninke ate soqqamaanooti; yaattore baala assate qixxaambe hee'noommo; ninke wole ayeno dimoohisi'neemmona, ati seyanno yaattore baala assi» yite dawartu.

MARRO 20:11

Kataminsa waalcho fante haadhu'neronna keerunni anga uyituro, mannu wo'munku ki'ne borojje ikke, wolqate looso looso'nena.

IYYAASU 10:6

Gebaooni manni Galgalaho noohuwa Iyyaasura, «Gaaraame gobbara heedhannori Amooraawootu mootoolla baalanti olantonsa qixxeessidhe ninke aana bala tugginona rakke dagge gatisinke» yite sokka soqqitu.

IYYAASU 9:11

Albisootinkenna baattonkera hee'ranno manni baalunku doogora ikkanno sinqe qixxeessi'ne dange ki'ne ledo xaandeemmo gede sokkinonke. Ki'nera soqqammeemmo'ne; ki'neno ninke ledo namoomu gondooro e'inanni gede xa'minammora sokkinonke.

IYYAASU 9:23

Konne coye assa'nenni rumantinoonnireeti. Kunnira, manni'ne haqqe hiiqqanninna waa dirranni Magani'ya minira hegere geeshsha borojje ikke hee'ranno» yiinsa.

IYYAASU 9:25

Kuneeti xa ninke angakki hee'noommo; hasi'rittota assinke» yite dawartusi.

IYYAASU 9:27

Kayinnilla hatte yannara, haqqe hiiqqatenninna waa dirratenni Israeelete manniranna Maganu kakkalo dargira soqqamaano ikkitanno gede assinsa. Insa xaa geeshsha Kaaliiqi magansi'nasira doodhino darga, kunni garinni soqqantanni heedhanno.