IYYAASU 9:1 - Qullaawa Maxaafa

¹ Aliyyenni Libaanoosi geeshsha Mediteraaniyu Baari qaccenna Yordaanoosira galchimaanni alichohono gammoojjeteno noo mootoolla baalanti Israeele qeeltinota macciishshitu. Insano Hitootu, Amooraawootu, Kana"aanootu, Ferizootu, Hiwootunna Iyaabuusootu mootoollaati.

IYYAASU 9:1 ပူးပေါင်းရင်းမြစ်များ

LAYINKI SAAMUEELI 24:7

Hakkiichinnino ka'e wodiidi ragaanni qiinshoonniha Xiroosi Katamanna qolteno Hiwootunna Kana"aanootu katamma baala iillitu. Goofimarchohono Yihudaho wodiidoonni Bersaabehi martu.

FULO 23:23

Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo.

FULO 23:31

Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 34:11

Techo barrinni hajajeemmohe hajajo agadhi; anino Amooraawoota, Kana"aanoota, Hitoota, Ferizoota, Hiwootanna, Iyaabuusoota albi'nenni shorreemmo.

KIIRO 13:29

Amaaleqootu wodiidi ragaanni, Hitootu, Iyaabuusootunna Amooraawootu gaaraame gobbara heedhanno. Kana"aanootu qolte Mediteraaniyu Baari mulenna Yordaanoosi Wayi qooxeessira heedhanno» yite kultu.

KIIRO 34:6

« ‹Galchimi danni qole Mediteraaniyu Baaraati.

MARRO 1:7

Galtinanni darga diiggine gaaraame Amooraawootu gobba hadhe. Hakkiichinnino Yordaanoosi Lagichira, ilaalaame gobbara gammoojjittete Negebinna Mediteraaniyu Baari qaccera hee'ranno manniwa hadhe. Qoltineno Kana"aanootu gobbanna Libaanoosi, lowo Wayi Efiraaxisihu geeshsha iille.

MARRO 3:25

Xaano Yordaanoosira widoonni noota hattenne dancha baatto, xuma gaaraame gobbanna Libaanoosi ilaalla la"ammora fajjie» yee huucci'roommo.

MARRO 4:49

Yordaanoosira soojjaatoonni nooha Areba Lagicha gudise Fisiga Ilaali hunda noohu Areba Baari geeshshaati.

MARRO 7:1

«Magani'ne Kaaliiqi martine ragidhinanni baatto massanno'nenna haammata ki'ne roortannota jajjabbanna wolqaataamma 7 daga: Hitoota, Gergesoota, Amooraawoota, Kana"aanoota, Ferizoota, Hiwootanna Iyaabuusoota albi'nenni shorranno yannara,

IYYAASU 1:15

Kaaliiqi Maganinsa uyinonsata galchimi ragaanni Yordaanoosira widoonni noo baatto ragidha geeshsha ledo gaaddona. Kaaliiqi Magani'ne Israeelete ga're baalantera fooliishsho aannonsa yannara, ki'ne galagaltine daggine, soojjaati ragaanni Yordaanoosira widoonni Kaaliiqi soqqamaanchi Muse uyino'netera umi'ne baattora heedhinanni» yiinsa.

IYYAASU 1:4

Danni'neno wodiidi ragaanni nootenni halalli gobbanni kayise, aliyyeenni noo ilaalla Libaanoosite geeshsha iillanno. Soojjaatoonni lowiidihu Efiraaxisi Wayinni kae, Hitootu gobba sae, galchimi ragaanni noohu Mediteraaniyu Baari geeshsha iillanno.

IYYAASU 10:23

Kunni daafira, goda fanne hakkore 5 Yerusaalamete, Kebirooni, Yarmuuti, Lakiishinna Egilooni mootoolla fultanno gede assini.

IYYAASU 11:17

Gashshootisino wodiidoonni Edoomi mule noohunni Halaaqi Ilaalinni kae, aliyyeenni Hermooni Ilaalira wodiidoonni noohu Libaanoosi lagichinni kayise, Ba"aligaadi geeshsha iillanno. Iyyaasu, seeda yanna tenne gashshootuwa mootoolla ledo olamanni keeshshino. Goofimarchoho kayinni, baalanka qeele qafade shee gudino.

IYYAASU 13:5

Gebalootu baattonna soojjaatoonni Hermooni Ilaalira wodiidoonni noohunni Ba"aligaadinni kayise, aliyyeenni noohuwa Hamaati sa'nanniwi Libaanoosi gudisamunku xaa geeshsha diamadamino.

IYYAASU 15:12

Kuni galchimiidi dannaati. Tenne qaccuwa qoqqowi giddo heedhannori Yihudu ga'reeti.

IYYAASU 22:4

Kuneeti xa Magani'ne Kaaliiqi uyino'nehu hexxote qaali garinni, fiixi'nera Israeelete keere uyinonsa. Kunnira, Kaaliiqi soqqamaanchi Muse uyino'ne gobba Yordaanoosi Wayira widoonni soojjaato nootewanna iqqa assidhine ragidhinoonnitewa higgine hadhe.

IYYAASU 23:4

Kune ani gudoommo daga baatto baalante ledo Yordaanoosinni kayise, galchimaanni Mediteraaniyu Baari geeshsha nootanna gattinota baala iqqa asse oommo'ne.

IYYAASU 24:11

Ki'neno Yordaanoosi Waa fultine Iyyaarko dagginoonni. Iyyaarkote manni, hattono Amooraawootu, Ferizootu, Kana"aanootu, Hitootu, Gergesootu, Hiwootunna Iyaabuusootu qassa'nera ka'ino. Ani kayinni, insa baalanka qeeltinanni gede assoommo'ne.

IYYAASU 3:10

Ki'ne alba higgine hadhinanni bikkinni, isi Kana"aanoota, Hitoota, Hiwoota, Ferizoota, Gergesoota, Amooraawootanna Iyaabuusoota albi'nenni hoolanno. Heeshshote Magani mereero'ne noota affinannihu,

IYYAASU 3:17

Mannu baalunku moola baatto kaxxanni fulanno yannara, Kaaliiqiha Gondooru Taaboota dukkino qeesooti mannu baalu fule ka"a geeshsha Yordaanoosi Wayi giddo moola baatto aana uurrite no.

IYYAASU 5:1

Yordaanoosi Wayira Galchimaanni noori Amooraawootu mootoollanna Mediteraaniyu Baari laayyora heedhannori Kana"aanootu mootoolla baalanti Israeelete manni fula geeshsha Kaaliiqi Yordaanoosi Waa mooshshinonsata macciishshitu. Israeeloota waajjitino daafira masseenna goonte ba'unsa.

IYYAASU 6:27

Kunni garinni, Kaaliiqi ledosi noo daafira, Iyyaasu gobba baalate egennaminoha ikki.

IYYAASU 9:7

Israeelete manni kayinni, «Miteekkitine ki'ne mulinni dagginoonnire ikkitinara dandiitinanni. Kunnira, ki'ne ledo hiitto ikkine gondooro e'neemmo?» yitunsa.