IYYAASU 8:31 - Qullaawa Maxaafa

³¹ Konne seekkinohuno, Kaaliiqi soqqamaanchi Muse Israeelootaho uyino Seerira, «Kinchunni kakkalote darga seekkatto yannara, siwiilu uduunnichinni boncoonniha ikkoonke» yine hajanjoonni garinniiti. Konne darga, shilqonnitanna mittimmate kakkalo Kaaliiqira shiqishshe.

IYYAASU 8:31 ပူးပေါင်းရင်းမြစ်များ

LAYINKI MOOTOOLLA 14:6

Ikkollana Seeru Maxaafi Musehura, «Annuwa oosonsa cubbi daafira, ooso annuwansa cubbi daafira yine shinoonke; mittu mittunku umisi cubbi callunni reyanno» yine borreessinoonni garinni oosonsa dishiino.

LAYINKI MOOTOOLLA 22:8

Hiliqiya borreessaanchu Saafaanira, «Seeru Maxaafa kawiichinni Qullaawu Mininni afoommo» yee uyi. Saafaanino haa're nabbawi.

LAYINKI DUDUWO 25:4

Ikkollana Kaaliiqi Muse widoonni qole, «Annuwa oosonsa cubbi daafira, oosonsano annuwate cubbira yine shinoonke; mittu mittunku umisi cubbi callunni reyanno» yiino daafira oosonsa dishiino.

LAYINKI DUDUWO 35:12

Kaaliiqi Muse widoonni qole uyino biddishshi garinni, shilqote kakkalora shiqinshoonni saada boosaallu boosaallunkunni kiirroonni mannira beekku. Lalono hatto assitino.

IZIRA 6:18

Muse Maxaafira borreessinoonni garinni, Yerusaalamete Kaaliiqi Mini soqqanshora qeesootanna Leewaawoota gari garinsanni wortu.

NEHIMIYA 13:1

Hakko barra Seerunniha Muse Maxaafa mannaho nabbambanna, «Moaabootunna Amoonootu Maganu manni ledo hegerera dixaaddanno» yaanno darga anfi.

FULO 18:12

Hakkunni gedensaanni, Yootoori shilqote kakkalonna wole kakkalono Maganoho qixxeessi. Aarooninna Israeelete geerri baalunku Maganu albaanni Yootoori ledo sagale ittara gamba yitu.

FULO 24:5

Gudinse shilqinshanniteranna mittimmate kakkalora Kaaliiqira middoota shiqishshannore Israeelete wedella soyi.

MAATEWOOSI 12:26

Sheexaanu Sheexaane fushshannoha ikkiro, isi isiniiwa babbadami yaate. Kunni garinni gashshootisi hiitto ikke kaajje uurrannoyya?

MARRO 27:2

Yordaanoosi Waa fultine Magani'ne Kaaliiqi aanno'ne gobba iillitinanni yannara, hatte gobbara nootera shiima seeddaanna kinnara noora buurre.

MARRO 27:8

Tenne kinna aana konne seera baalanka leellanno gede assitine borreesse» yii.

IYYAASU 1:8

Konne Seeru Maxaafa aye yannarano nabbawa agurtooti; isi giddo borreessinoonniha baala wonsha dandaatto gede, hashshanna barra wodanchi. Hatto assittoro, baalunku coyi danchu garinni qinaannohe.