IYYAASU 8:2 - Qullaawa Maxaafa

² Kunni albaanni Iyyaarkotenna mootesira iillitino bao Gayinna mootesira iillishatto. Ikkollana, xa giddosi nooha jajjanna saada umi'neta assidhinanni. Katamaho badheenni gaa'lite agartanno bagadaanono wori» yiisi.

IYYAASU 8:2 ပူးပေါင်းရင်းမြစ်များ

LAYINKI DUDUWO 13:13

Hakko mereero Iyorbiaami gamisa olanto Yihudu olantora badheenni ri'e agartanno gede soye, gattinori Yihudu olantora albaanni uurritanno gede asse no.

LAYINKI DUDUWO 20:22

Faarsaano faarsa hanaffuta, Kaaliiqi diininsara gara hawiseenna mimmitoho bagado alba qo'litu.

FAARSO 39:6

Beebballa daafurannota ikkinnina, mannu caalimma sa"annoho; duunannota ikkinnina ayi gudhannoro diafino.

LAWISHSHA 13:22

Keeraanchu manchi jirosi oososi oosora sayisanno; cubbaataamu jiro kayinni keeraanchoho gattanno.

LAWISHSHA 28:20

Ammanamino manchi lowo maasso afi'ranno; jirote muddamannohu kayinni, qorichishamikkinni digatanno.

ERMIYAASI 17:11

Hanaaqunni jiro gamba assi'rannohu, wolete quuphe hanqafidhe, dadhitanno heeyyakko gedeeho» yaanno. Gamba assi'rino jiro, taalootu dirisinni iso agurte hadhanno; goofimarchohono gowwimmasi xawo fultanno.

ERMIYAASI 51:12

Baabilooni huxxa diigate malaatisse; seekkitine agarre. Qotannohano worre; gaa'le agarannoha qixxeesse. Konne coye assitinannihu, Kaaliiqi Baabilooni mannira hedinore wonshateeti.

MARRO 2:35

Saadansanna amandoommo katammansa giddonni adhinoommore seyinore kayinni uminkera gatisi'noommo.

MARRO 20:14

Meentonna qaaqquulle kayinni, qafaddine borojje assidhe; saadanna katamu giddonni afidhinannire baala umi'neha assidhe. Magani'ne Kaaliiqi diinna'newiinni aanno'ne qafado umi'ne qiniite assi'ra dandiitinanni.

MARRO 3:2

Kaaliiqi kayinni, «Iso, olantosi baalantanna baattosi angakkira sayise oommohena, waajjitooti. Isono Hasebooni gashshinoha Amooraawootu moote Sewooni assitto gede assi» yiie.

IYYAASU 10:1

Iyyaasu Gayi katama olame amadihu gedensaanni, Iyyaarkonna mootese assinte gede co'o asse huninotanna mooteseno shiinota Yerusaalamete moote Adonitsedeqi macciishshi. Qoleno, Gebaooni manni Israeelootu ledo namoome keerunni hee'ransa buuxi'ri.

IYYAASU 10:28

Hakko barra Iyyaasu, Maqeda bala tuge, mootensa qafadi; katamu giddo noo manna baala mittuno gatikkinni gudi; Maqeda mooteno alba Iyyaarko moote assino gede asse shii.

IYYAASU 11:14

Israeelootu qafado baalantanna tenne katamma giddonni afidhino saada uminsara adhitu; manna kayinni mittono gatissukkinni baalanka shite guddu.

IYYAASU 6:21

Bisensa fushshite katamu giddo nooha labbaahanna meyata, wedellanna geerra baala shitu. Lalo, ge'reewonna harre baala guddu.

IYYAASU 8:12

Iyyaasu 5,000 manna doore, katamaho galchimi ragaanni Gayinna Beeteli mereero gaa'le agaranno gede assi.

IYYAASU 8:14

Gayi moote Iyyaasunna olantosi afi yannara, rahe olaho qixxaawi. Isinna olantosi baalanti badheenni gaa'lite heelala ikkite agartino olamaano tugganno bala affukkinni, kunni albaanni assitu gede alba olantu darga Israeeloota qassara Yordaanoosi lagicha furduggi yitu.

IYYAASU 8:19

Urdesi alba qo'lara anga kayisita, maaxante agarte noo olanto hakkawoyintenni ka'e, katama ca'u yite e'e, angara qo'litu; hakkawoyintenni katama giirtu.

IYYAASU 8:24

Israeelootu mullichu xawira, kunni albaanni Gayi gaaddo insa shorritu darga baalankawa shitu; galagalte Gayi katama e'e hakkiicho gattinoreno guddu.

IYYAASU 8:3

Kunnira, Iyyaasu gaaddosi ledo Gayi katama gaadara qixxaawi. Olantote giddonni jawaante roortinore 30,000 gaaddo doore, hashsha soyi.

IYYAASU 8:7

Magani'ne Kaaliiqi katama ki'nera sayise aanno'nena, hatte yannara maaxantinoonni darginni fultine katama amadde.

IYYAASU 8:8

Katama amaddinihu gedensaanni, Maganu hajajino garinni, co'o yee giirame ba"anno gede asse. Kuneeti hajajoommo'nena yoommo gede asse» yiinsa.

IYYAASU 8:9

Hakkunni gedensaanni, Iyyaasu gaaddo fushshe soyi. Insano, Gayira galchimi ragaanni Gayinna Beeteli mereero gaa'lite agartu. Iyyaasu kayinni, gattinori ledo hakko qachaho gali.

IYYAASU 9:3

Hiwootu garo ikkitinori Gebaooni manni kayinni, Iyyaasu Iyyaarkotanna Gayi katamma assinota baala macciishshitinohura,