IYYAASU 8:1 - Qullaawa Maxaafa

¹ Hakkunni gedensaanni, Kaaliiqi Iyyaasura, «Olaho gaaddokki baalanta haadhe Gayi katama gaadoho fuli; horonta be'e yitooti! Waajjitooti! Ani Gayi moote qeelatto gede asseemmohe. Mannu, katamunna baatto ateta ikkitanno.

IYYAASU 8:1 ပူးပေါင်းရင်းမြစ်များ

FAARSO 27:1

Kaaliiqi xawaabba'yaatinna gato'yaati; waajjishannoehu ayeti? Kaaliiqi heeshsho'yara goloseetina, masisannoehu ayeti?

FAARSO 44:3

Baatto ragidhinohu dibagadinsanniiti; wolqansano digatissinonsa; qiniinonsahu, ati baxattonsanna, ledonsa heedhe kaa'loottonsa daafiraati.

FAARSO 46:11

Olantote Mootichi ledonke no; Yaiqoobi Magani golonkeeti.

ISAYAASI 12:2

Kaaliiqi gatisaancho'yaati; ani iso hexxeemmo daafira, horonta diwaajjeemmo. Kaaliiqi wolqanna jawaante aannoe; isi gatisaancho'ya ikkanno.

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ERMIYAASI 46:27

«Borojjichi'ya Yaiqoobi ooso waajjitinoonte; Israeelete manna massinoonte; qafadantinoonniwiinni fafo gobbanni gatise fushsheemmo'ne. Hakkunni gedensaanni waajjishanno'neri nookkiha, keere heedhinanni.

ERMIYAASI 49:3

Katami'ne diigamanno daafira, Hasebooni heedhinanni manni wi'le; Gayi katamino diigamanno. Molooki magani'ne, qeesooti'nenna roorrooti'ne ledo qafadamaraatina, ki'ne meentu garu baeenna'ne raataabbinanni wi'le; xiddu uddano uddidhine manchitte.

DAANIEELI 2:21

Isi yannanna wogga soorranno; mootoolla moohisanno; qoleno mootimmate aaninni dirrisanno. Egenno egennaammaho, hayyo wodanchitannorira aannohuno isooti.

DAANIEELI 4:25

Mannu mereerinni baxxite hadhe, dubbu moyichi ledo hee'ratto; lamalu diri sa"a geeshsha handu gede hayisso itatto; gordu lojino aanakki dirranno. Kuni baalu coyi iillannohehu Wo'munkura Aliidi Magani mannu gashshooti baalu aana roorre afi'rinotanna gashshoote baalano baxisinosihura aannota afatto geeshshaati.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

MAATEWOOSI 8:26

Yesuusi, «Ki'ne amma'na xe'ino'neri! Mayira waajjitinanni?» yiinsa. Hakkunni gedensaanni Yesuusi kae hombobolattenna baara rufeenna lowo geeshsha sammi yii.

MARRO 1:21

Kuneeti annuwa'ne Magani Magani'ne Kaaliiqi tenne baatto uyino'ne. Xaano isi kulino'ne garinni fultine ragidhe. Waajjitinoonte wodani'neno daaqoonke› yoommo'ne.

MARRO 31:8

Albakkiinni ha'rannohu Kaaliiqaati. Isi ate ledo hee'ranno. Dicallachishannohena, horontanni yaaddooti; waajjitooti» yiisi.

MARRO 7:18

Insa waajjitinoonte. Magani'ne Kaaliiqi Feriooninna Gibitsootu aana assinore baala qaagge.

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 10:7

Kunnira, Iyyaasunna olanto baala, filantino gaaddo ledo Galgalunni ka'e ha'ra hanaffu.

IYYAASU 10:8

Kaaliiqi Iyyaasura, «Insa waajjitooti; ani wo'ma qeelle oommohe. Insa giddonni mittuno ittisannohehu dihee'ranno» yiisi.

IYYAASU 2:24

«Hakkiicho heedhannori baalunku ninke waajjite hembeelantanni no. Kunnira, Kaaliiqi gobba baala ninkera uyinonke gede huluullo dinonke» yii.

IYYAASU 6:2

Kaaliiqi Iyyaasura, «Iyyaarko mootesinna bareedda gaaddosi ledo angakkira sayise eemmohe.

IYYAASU 7:9

Kana"aanootunna wolootu, tenne baattora heedhannori baalunku konne coye macciishshitanno. Kunnira, gaangaawanke qoqqobbe baalanka guddannonke; ayirradu su'mikkira yite assattonkeri maatilla?» yee huucci'ri.