IYYAASU 7:6 - Qullaawa Maxaafa

⁶ Iyyaasunna Israeelete albisooti dadillinsa batinyinni kainohunni, imaanansa dartu. Kaaliiqihu Gondooru Taabooti albaanni, hashsha geeshsha diriirte ubbinowa keeshshitu. Dadillensa leellishshara, uminsa aana buko giggishshidhu.

IYYAASU 7:6 ပူးပေါင်းရင်းမြစ်များ

KALAQAMA 37:29

Roobeeli mare la"anno woyite, Yooseefi balete giddo dino; kunnira dadille uddanosi dari.

KALAQAMA 37:34

Yaiqoobino dadillunni uddanosi dare, xiddu uddano uddi're beettisira lowo barra wi'li.

LAYINKI SAAMUEELI 1:11

Daawitino dadille uddanosi dari; ledosi noori baaluno isinte gede assitu.

LAYINKI SAAMUEELI 1:12

Olunniwa lowo manni reyino daafira Daawitinna ledosi manni Saaoolira, Yoonaataaniranna Kaaliiqi olanto ikkitinorira Israeelete manni baalaho hashsha geeshsha ita aga agurte lowo geeshsha hururante wi'litunsa.

LAYINKI SAAMUEELI 1:2

Sayikki barra mittu wedellichi olu qachi Saaoolihunni kae dayi. Isino dadillesi leellishara uddanosi dare umisi aana buko giggishshi're no. Daawitiwa shiqe ayirrinyunni umo heeshshi yee keere haa'ri.

LAYINKI SAAMUEELI 12:16

Daawitino qaaqqisi daafira Magano huucci'ri. Itanna agano agure, baalanka hashsha uulla kadhe goxi.

LAYINKI SAAMUEELI 13:19

Taamaari umise aana buluulo giggishshidhe, imaanase daddarte, anga umoho wodhite raartanni hadhu.

LAYINKI SAAMUEELI 13:31

Mooteno kae masillunni imaanasi dare uullate aana waxxi yii. Soqqamaanosino imaanansa darte mulesi uurritu.

LAYINKI MOOTOOLLA 22:11

Moote Seeru Maxaafa nabbawanna macciishshe masillunni uddanosi dari.

LAYINKI DUDUWO 34:19

Moote Seeru Maxaafa nabbawanna macciishshe, dadillunni uddanosi dari.

IZIRA 10:1

Izira Maganu Minira albaanni uwe huucci'ranni, ifaaxxanninna wi'lanni hee'reenna, labballu, meentunna ooso, lowo geeshsha bati'ru Israeelete manni iso gaangeesse hururame wi'li.

NEHIMIYA 9:1

Hakko aganiranni lemiina shoolki barra Israeelete manni mittowa gamba yii. Cubbinsara gaabbansanna dadillansa egensiisate xiddu uddano uddidhe, uminsa aana buko giggishshidhe itanna aga agurte qatuntu.

ASTEERI 4:1

Merdookiyoosi konne assinoonni coye baala macciishshe dadillunni uddanosi dari; hakkunni gedensaanni xiddu uddano uddi're umisi aanano buluulo giggishshi're qoonqosi naggi asse heqqifate wi'lanni katamu giddo ka'anna kawa ha'ranni raataawi.

ASTEERI 4:3

Mootete lallawu iillino gobba baalate heedhanno Ayihudooti raarte wi'litu; itanna aga agurte raarte wi'litu. Lowo mannino xiddu uddano uddi're buluulu aana ofolli.

IYYOOBI 1:20

Iyyoobino kae, dadillunni uddanosi dari; umo meexxe uulla gombisame Magano ayirrisanni,

IYYOOBI 2:12

Fafowa heedhe la'anno woyite, isimma badate didandiitino. Qoonqonsano naggi assite wi'litu; mittu mittunku dadillunni uddanonsa dartu; uminsa iimira qolte buko fincidhu.

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

ERMIYAASI QURTO 2:10

Yerusaalamete geerri xiddu uddano uddidhe, umoho buluulo giggishshidhe, sammi yite bukote aana ofoltanno. Yerusaalamete seennino haxo heeshshi yee uulla la"anno.

KIIRO 14:6

Baatto dooyyite higginori giddonni Iyyaasunna Kaaleebi dadillitino daafira imaanansa dartu.

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

KIIRO 16:45

«Konne manna mitte hige gude agureemmona ka'a shiqqi yiiyye» yiisi. Musenna Aarooni kayinni baattote aana gombisante Kaaliiqa huuccitu.

SOQQAMAASINETE LOOSO 14:14

Phaawuloosinna Barnabaasi kayinni konne coye macciishshituhu gedensaanni dadillite uddanonsa dartu. Raartanni mannu widira higge doddanni marte,

IYYAASU 7:7

Iyyaasuno, «Mooticha Kaaliiqi ballo! Yordaanoosi Waa fushshite kawiira abbittonkehu Amooraawootaho sayisse aattonkeranna hunattonkera yiteetini? Hakkiicho Yordaanoosira widoonni hee'noommoro maaho?

YOHAANNIS AJUUJA 18:19

Lowo geeshsha dadillitino daafira uminsara buko giggishshidhanni, «Baaru aana markaawe afidhinori baalu, kunni kataminni duroo'mitino. Hatti bati'ra Baabilooni, mitte saate giddo ba'inona aanne'e! Aanne'e!» yite wi'litanno.

EJJEETTO 11:35

Ise afanni hee'renni mase imaanasi dare, «Baummo beetto'ya hunittae! Shettote aana tugittae; gatisa dandeemmokki xano Kaaliiqira xa'noommona» yii.

EJJEETTO 20:23

Israeele Kaaliiqi albira shiqqe hashshi geeshsha wi'litanni, «Roduuwanke Biiniyaamoota qasate layinkimeeshsho fulloni?» yite Kaaliiqa xa'mitu. Kaaliiqino, «Ee fultine qasse» yiinsa.

EJJEETTO 20:26

Israeelete manni baalunku Beeteli mare, Kaaliiqi albaanni ita aga agure wi'lanni hawarra geeshsha keeshshi. Hakkunni gedensaanni, mittimmannitanna shilqote kakkalo Kaaliiqira shiqishi.

EJJEETTO 21:2

Israeele Beetelira marte hawarra geeshsha Maganu albaanni ofolte, qoonqonsa naggi assite hururante wi'litu.

UMI SAAMUEELI 4:12

Hakko barra mittu Biiniyaamichi olu xawinni buuwanni Seelora kae dayi. Isino dadillesi leellishate uddanosi dare, umisira buko giggishshi're no.