IYYAASU 7:24 - Qullaawa Maxaafa

²⁴ Iyyaasu, Israeelete manni baalunku ledo, Akaani birrisi, kaabbisi, micciirote culkisi oososinna seennisi ledo lalosi, harresinna ge'reewisi, dukanasinna jajjasi baalanka gamba asse, Akoori Lagicha haa're ha'ri.

IYYAASU 7:24 ပူးပေါင်းရင်းမြစ်များ

KALAQAMA 18:25

Keeraano cubbaataammu ledo shaatto yee dihedeemmo; keeraano cubbaataammu gede diassatto; hatto assittoro keeraano cubbaataammu ledo qorichishakkiiti; gobba baalate gashshaanchi ati hattoo coye assattoni?» yii.

IYYOOBI 20:15

Itino jajja baala qolanno; Maganuno godowisira noore tushshiishannosi.

FULO 20:5

Kaphu magannara kumbuultinoonte; insano magansidhinoonte. Ani hinaasaancho Maganootina, gibbannoerira sasenna shoole ilama geeshsha annuwate cubbo oosote iillisheemmo.

LAWISHSHA 15:27

Hanaaqe jiro gamba assi'rannohu, minisira qarra abbi'ranno; gubbo itannokkihu kayinni seeda diro hee'ranno.

ROSIISAANCHO 5:13

Kalqete aana mitto dadillisanno coye afoommo. Hakkuno, mannu bushu barrira ikkitannoe yee lowo jiro gamba assi'ranno. Tini jirono hedeweelcho gooffe beettoho sa'ukkinni gattanno.

ISAYAASI 65:10

Saarooni Xawi ge'reewu hosannowa ikkanno; Akoori Lagichirano lalu hosanno.

HOOSEI 2:15

Albiha woyinete kaashsho qoleemmose. Qarru Lagichino Hexxote Waalcho ikkannose gede asseemmo. Hakkiichono Gibitsete gobbanni fultu waro seennimmate yannara baxxue garinni qolte baxxannoe.

IYYAASU 15:7

Akoori lagichinni kae, Debiiri fule lagichunni wodiidi ragaanni Adumiimi sa'nanniwa aliyyeenni Galgala hige eramanno. Qoleno Ayini-Shemeshi Buicho sae, Ayini-Rogeeli geeshsha iillanno.

IYYAASU 22:20

Zaara beetti Akaani batte ikkinore adhe cubbo loosinota qaagge. Hakkunninni kainohunni Kaaliiqi wo'mu Israeelete mannira hanqino; cubbisi daafira reyinohu Akaani calla di"ikkino» yitu.

IYYAASU 6:18

Ki'ne kayinni, ba"a hasiissannohu giddonni mittoreno adhitinoonte. Hatto assitiniro, Israeelete qachira qarranna bao abbitinanni.

IYYAASU 6:21

Bisensa fushshite katamu giddo nooha labbaahanna meyata, wedellanna geerra baala shitu. Lalo, ge'reewonna harre baala guddu.

IYYAASU 7:1

Israeelootu kayinni batte ikkinore huntinokki daafira, sao assitino. Hakkuno Yihudu ga'renni Akaani yinanni manchi assino coyeti. Akaani Kariimiho; Kariimi Zabiidiho; Zabiidi Zaaraho. Akaani hoolloonniricho adhino daafira, Kaaliiqi hanqi Israeelete aana buwi.

IYYAASU 7:23

Konne uduunne dukkanu giddonni fushshite, Iyyaasuwanna Israeelete manni baalunkuwa haadhe abbite, Kaaliiqi albaanni wortu.