IYYAASU 7:21 - Qullaawa Maxaafa

²¹ afi'noommo uduunni giddonni seyinoha Baabiloonootu kaabba, 2 kiilo keenanno geeshshiha kinchu birranna kiilote darate ikkannoha micciirote culka laoommo; yorsiisinoe daafira adhoommo. Kore, birra woroonni wore dukkani'ya giddo waameenna no» yii.

IYYAASU 7:21 ပူးပေါင်းရင်းမြစ်များ

KALAQAMA 10:10

Namiruudi gashshooti Senaoori noore umire 3 katamma, Baabilooni, Erekinna Akaadi giddo amadanno.

KALAQAMA 3:6

Manchono haqqichote laalo itate halchishshannota, illete biiffinotanna egenno uyitannota ikkitinota affe haadhe ittu; ayiddaanniserano uyitusi; isino iti.

KALAQAMA 34:27

Wolootu Yaiqoobi ooso rodoonsa Diina shollishshinorinni kainohunni e'e katama saantu.

KALAQAMA 6:2

Maganu ooso mannunnihu seennu xumuulle ikkinota la'u; giddonsanni baxxinore doodhite adhitu.

LAYINKI SAAMUEELI 11:2

Mitte soodo Daawiti barra goxinowiinni kae, minu aana minnoonni mini aana ka'anna kawa ha'ramanni hee're mitte mancho biso hayishshidhanni noota afi. Tini mancho dana xumate.

LAYINKI MOOTOOLLA 7:8

Taraawannoha gogu dhibba afidhinori shoolunku manchi Sooriyootu qachi qooxeessa iillituhu gedensaanni, mittu dukkani giddora e'e afidhino sagale itte agge ka'e birra, culkanna imaana adhite massite maaxidhu. Xaano galagalte higge wolu dukkani giddora e'e adhitinore massite maaxidhu.

IYYOOBI 31:1

«Aja meyata laeemmokki gede, aneneete qorophisiisoommo.

FAARSO 119:37

Haafare laeemmokki gede agarie; qaalikki garinni heeshsho'ya haaroonsie.

FULO 20:17

«Wolu manchi mine yortinoonte; galtesi, borojjesi, handosinna harrichosi woy wolu afi'rinore mittoreno yortinoonte» yii.

LAWISHSHA 1:19

Mulqi'ra mulqi'rannohura baote doogooti; gawalonsano hakkiichooti.

LAWISHSHA 23:31

Woyinete xajje kokkete coommitanno daafira, birillete xabbanno woyite ise widira higge la'ooti.

LAWISHSHA 28:22

Hafuuraamu manchi jirotella hagaaganno; buxima daggannosita diegennino.

LAWISHSHA 4:23

Wodanu heeshshote buichootina, wo'munkurinni roorsite iso agadhi.

ISAYAASI 28:15

«Reyote ledo namoommoommo; jeennaatu ledo sumuu yinoommo; doga minenkeeti; kaphuno golonkeeti. Qoomamu daanno woyiteno dikisannonke» yitine boo'nitinoonni.

ISAYAASI 29:15

Heddinore Kaaliiqiwiinni goltara balete giddo maaxantannorira, «La"annonkehunna afannonkehu dino» yite loosonsa tunsichu giddo loossannorira aanne'e!

IMBAAQOOMI 2:9

Beebbatenni gamba assidhinoonni jiro mine wonshidhinoonniri, dano iillitanno'nekki gede mine tullote aana mi'nitinoonnirira ki'nera aanne'e!

LUQAASI 12:15

Qoleno wo'munkura, «Mannu heeshsho woxu batinyinni anfannita di"ikkitinona, hafuuraamma ikkitinoonte! Umo'ne agadhe!» yiinsa.

LUQAASI 12:2

Ledeno, «Dimboonnihu fa'namikkinni, maanxoonnihu anfikkinni digatanno.

EFESOONI SOKKA 5:3

Qullaawu mannira hasiisannokkiha ikkinohura foorre woy saalimale ikkito woy busha yortoha ikka agurina, mereero'ne togoohu duduwu nafa horonta hee'roonke.

EFESOONI SOKKA 5:5

Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe.

MARRO 7:25

Magannansa misilla giirre. Misillate aana worroonni birranna culka halchitinoonte; adhitinoonte. Adhitiniro kayinni, Magani'ne Kaaliiqi konne coye lowo geeshsha giwanno daafira, woshshaado ikkanno'ne.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

IBIRAAWOOTA 13:5

Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.

YAIQOOBI 1:15

Hakkunni gedensaanni yorto godobbe cubbo iltanno; cubbu lophiro reyo qalanno.

IYYAASU 7:20

Akaani daware, «Halaaleho; Israeelete Magani Kaaliiqi albaanni sao assoommo. Hakkuno,

IYYAASU 7:22

Hakkunni gedensaanni, Iyyaasu shiima manna fushshe soyi. Insano doddanni dukkana marte, birra woroonni wore waaminore batte ikkino uduunne affu.

LAYINKI PHEEXIROOSI 2:15

Insa suwashsho doogo habbinoreeti; halaaliweelcho woxe baxatenni Biioori beetti Beleaami doogo hadhino.