IYYAASU 7:1 - Qullaawa Maxaafa

¹ Israeelootu kayinni batte ikkinore huntinokki daafira, sao assitino. Hakkuno Yihudu ga'renni Akaani yinanni manchi assino coyeti. Akaani Kariimiho; Kariimi Zabiidiho; Zabiidi Zaaraho. Akaani hoolloonniricho adhino daafira, Kaaliiqi hanqi Israeelete aana buwi.

IYYAASU 7:1 ပူးပေါင်းရင်းမြစ်များ

KALAQAMA 34:27

Wolootu Yaiqoobi ooso rodoonsa Diina shollishshinorinni kainohunni e'e katama saantu.

LAYINKI SAAMUEELI 24:1

Kaaliiqi galagale Israeelete mannira hanqino daafira, Daawiti kakkayise qarru iillannonsa gede, «Marte Israeelenna Yihudu manna kiiri» yii.

LAYINKI MOOTOOLLA 5:24

Elsai noowa iillituta, Giyaazi soqqaamaanote anganni lamenka ogoro haa're minira eessi. Ni"imaani soqqamaano ha'rise,

UMI DUDUWO 21:7

Maganuno Daawiti assino coyira hanqe Israeele qorichishi.

LAYINKI DUDUWO 24:18

Kunnira akaakkansa Magani Kaaliiqi Mine magansi'ra agurte, Asheera mokkolloranna misillate kumbuultu. Assitino sao Yihudunna Yerusaalamete mannira Kaaliiqi hanqo abbitu.

IZIRA 9:6

«Magano'ya ballo, cubbinke uminkera iimaanni saino; saonkeno gordo iillitino. Magano'ya ballo, alira atewa hige la"ate nafa saalfatoommo.

IYYOOBI 35:8

Ate bunshe wole manna qarrissanno; dancha loosattoha ikkiro manna kaa'latto.

ROSIISAANCHO 9:18

Olu bagadinni egenno woyyate. Mittu cubbaataami kayinni, lowoha dancha coye hunanno.

DAANIEELI 9:7

Mooticha'ya! Ati wo'manka woyite suwashsho coye assatto; ninke kayinni techo geeshsha uminke aana shollinye abbi'noommo; Yihudahonna Yerusaalamete heedhannori, mulenna xeertote noo gobba baalate billaallitanno gede assootto Israeelooti baalu aana daanno coyi konneeti. Kaimuno atera ammanama hoongoommo daafiraati.

LEEWAAWOOTA 10:6

Muse Aarooniranna oososira Aliaazaariranna Itaamaarira, «Dadillitinoonnita leellishate, umo'ne meexxitinoonte; uddano'neno dartinoonte; hatto assitiniro, ki'neno reyitinanni; Kaaliiqino manna baalaho hanqanno. Kaaliiqiwiinni daggino giira itte shitinorira, fiixi'ne Israeele wi'la dandiitanno.

YOONAASI 1:7

Markaawete giddo noori mimmitoho, «Kunni qarri giddo umbeemmo gede kaima ikkinonkehu ayetiro afate, amme hixa ga'ninona» yitu. Ga'nitino hixino Yoonaasi aana uwi.

IYYAASU 22:16

Hakkiira iillite Kaaliiqi manni baalaho, «Konne kakkalote darga umi'nera seekki'ratenni Kaaliiqi aana busha assitinoonni; hoodesino dihadhinoonni; kunni garinni Israeelete Magani aana konne busha coye mayira assitini?

IYYAASU 22:18

Xa ki'ne Kaaliiqi hoode ha'ra giwa'neetini? Ki'ne techo Kaaliiqi aana bunshe assitiniro, isi ga'a Israeele wo'mantera hanqanno.

IYYAASU 22:20

Zaara beetti Akaani batte ikkinore adhe cubbo loosinota qaagge. Hakkunninni kainohunni Kaaliiqi wo'mu Israeelete mannira hanqino; cubbisi daafira reyinohu Akaani calla di"ikkino» yitu.