IYYAASU 6:4 - Qullaawa Maxaafa

⁴ Xurumba amaddinori 7 qeesooti Gondooru Taabootira albaanni balaxxe hadhona. Lamalki barra, qeesootu buudunni seekkinoonni xurumba ufuuffanna, atinna gaaddokki katama barrunni 7 higgine gaangaabbe.

IYYAASU 6:4 ပူးပေါင်းရင်းမြစ်များ

KALAQAMA 2:3

Maganu kalaqate loososi baala gude fooliishshi'rino barra ikkino daafira, lamalki barra maassi're baxxinoha assino.

UMI MOOTOOLLA 18:43

Soqqamaanchosino, «Hanni marte baaru widira higge lai!» yiisi. Soqqamaanchisino lae galagale hige, «Leellinoeri dino» yii. Eeliyaasino 7 hige mare la"anno gede hajajisi.

LAYINKI MOOTOOLLA 5:10

Elsaino soqqamaanchosi soye, «Marte Yordaanoosi Wayira 7 higge lixxe fulte hayishshi'ri; dhibbikkinni hurte keeraa'mattona» yiisi.

LAYINKI MOOTOOLLA 5:14

Ni"imaanino Maganu manchi kulinosi garinni Yordaanoosi Wayi laga dirre 7 hige lixe fulanni hayishshi'ri; dhibbisinnino huri; manninatisino qaaqquullunnihu gedeeha ikki.

LAYINKI DUDUWO 13:12

Ninkera albisannohu Maganoho; qeesootisino ki'ne aana ola fanneemmo gede xurumba ufuuffara qixxaabbe kune ledonke no. Israeelete manna, diqinaanno'nena, akaakka'ne Magani Kaaliiqi ledo gaarantinoonte» yii.

LAYINKI DUDUWO 20:17

Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.

LAYINKI DUDUWO 20:19

Qehaatinna Qore ilama ikkitino Leewaawootino ka'e uurrite qoonqonsa naggi assite Israeelete Magano Kaaliiqa galattu.

LAYINKI DUDUWO 20:21

Isino mannu ledo amaalamihu gedensaanni faarsaano ayyaannate yannara uddidhanno imaana uddidhe, «Bagamannokkihu baxillisi hegerehona, Kaaliiqa galattesi!» yite faarsitanni olantote albaanni higge hadhanno gede hajaji.

IYYOOBI 42:8

Xa kunnira lamala boottanna lamala ge'reewu gocca haadhine, borojjichi'ya Iyyoobiwa marre. Shilqote kakkalono umi'nera shiqishshe; borojjichi'ya Iyyoobi ki'ne daafira huuccannona, anino hambe'ne daafira qorichisheemmo'nekki gede, huuccattosi macciishsheemmo. Ki'ne borojjichi'ya Iyyoobi gede ane daafira taalo coye dicoyidhinoonni» yii.

ISAYAASI 27:13

Hatte yannara jawa xurumba ufuunfanni. Asoorinna Gibitsete gobba darame ha're hee'rannohu Israeelete manni galagale hige, Yerusaalamete Qullaawu Ilaali aana Kaaliiqa magansi'ranno.

LEEWAAWOOTA 14:16

Qiniitichu qubbichisinni mundee kisanni, ane albaanni 7 hige wixona.

LEEWAAWOOTA 4:6

Qullaawa Holge uddanotenni dukkinoonni dukkora albaanni uurre, mundee qubbichisinni kisanni ane albaanni 7 hige wixona.

ZAKKAARIYAASI 4:2

«Maricho la'anni nootto?» yee xa'mie. Anino, «Lamala caabbiyye nooha mitto culkunni seekkinoonniha caabbicho worranni uduunnicho la"anni noommo. Aanasi zayitete gambayichi no; lamalunku caabbichira heqichu noonsa.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

KIIRO 23:1

Beleaami Baalaaqi, «Konniicho 7 kakkalote darga seekkite, 7 woraammanna 7 ge'reewu gocca abbi» yiisi.

IYYAASU 6:3

Atinna gaaddokki 6 barri geeshsha barrunni mitte mitte higgine katamu huxxa dirantine gaangaabbinanni.

IYYAASU 6:5

Hakkunni gedensaanni, qeesootu buudu xurumbinni naggi yiino luulo macciishshinanni gede assitona. Konne macciishshitinanni heedhineenna, hakkawoyintenni mannu baalunku naggi yitino qoonqonni roqonsona. Hakkunni gedensaanni, katamu huxxino diigamanno; hoodete wo'manti olanto ca'u yite katamu giddora e'ona» yii.

YOHAANNIS AJUUJA 1:20

Qiniiticho anga'yara la'anni noottori, lamala beeddakkonna culkunni seekkinoonnihu lamalu caabbiyye worranni uduunni tiro kunninni aante noote: Lamala beeddakko lamalante beetekiristaane sokkaasineeti. Culkunni seekkinoonnihu lamalu caabbiyye worranni uduunni lamala beetekiristaaneeti» yiie.

YOHAANNIS AJUUJA 1:4

Yohaannisiwiinni Issiyaho nootera lamalante beetekiristaanera: Noohu, hee'rinohunna daanno Maganiwiinninna ayirradu barcimisira albaanni noo ayyaanna lamalantewiinni,

YOHAANNIS AJUUJA 10:3

Ittananno doobbiichi gede qoonqosi naggi asse doonqi. Doonqi yannara lamalunku beleqi xadhe coyi'ri.

YOHAANNIS AJUUJA 15:1

Wole dhaggennihanna maalalete malaate gordoho afummo. Maganu hanqira goofimarcho ikkitinore, lamala goofimarchu qoomama haadhe noore lamala sokkaasine afummo.

YOHAANNIS AJUUJA 15:7

Shoolu kalaqami giddonni mittu hegere geeshsha hee'rannohu Maganu hanqi wo'minore lamala culkunni seekkinoonni gabatta lamalante sokkaasinera uyi.

YOHAANNIS AJUUJA 16:1

Hakkunni gedensaanni lamalante sokkaasinera, «Hadhine gabattate giddo nooha Maganu hanqo baattote aana dunne!» yitannoti lowo huuro Qullaawu Mininni fultanna macciishshummo.

YOHAANNIS AJUUJA 5:1

Ayirradu barcimira ofollinohu, qiniiticho anganni amadinoha giddoonninna gobbaanni borreessine lamala sumuda sumunde cunfoonniha xaanxoonniha borrote goga afummo.

YOHAANNIS AJUUJA 5:6

Hakkunni gedensaanni ayirradu barciminna shoolunku kalaqami mereeronna geerru giddo gorraminohu gede ikke uurre noo Ge'recho afummo. Kunni ge'rechira lamala buuddanna lamala ille noosi. Illuwanna buudda gobba baala sonkoonniti lamalanti Maganu ayyaannaati.

YOHAANNIS AJUUJA 8:2

Maganu albaanni uurritannore lamala sokkaasine afummo; insara lamala xurumba uyininsa.

YOHAANNIS AJUUJA 8:6

Lamala xurumba anga adhitinori lamala sokkaasine xurumbuwa ufuuffara qixxaabbu.