IYYAASU 5:4 - Qullaawa Maxaafa

^4-6 Israeelete manni Gibitsetenni fuli yannara, labballu baalunku barcimino. Ikkollana, halallitte gobbara hadhuhu 40 diri giddo ilantino labballi giddonni mittu nafa dibarcimino. Hatte yannara, Gibitsetenni fultu woyite olaho iillitino labballi baalunku, Kaaliiqira hajajama hoogginohura gooffino. Kuni ikkinohuno, Kaaliiqi akaakkansara aara xaarinota malawunna ado lolakkannota danchanna shaqqado baatto illensanni la'annokki gede xaarinohuraati.

IYYAASU 5:4 ပူးပေါင်းရင်းမြစ်များ

KIIRO 14:22

halallitte gobbara assoommonsa maalale affanni heedhenni hajajama gibbe batinye higge fonqoltinoe.

UMI QORONTOOSI 10:5

Ikkollana Maganu insa giddonni lowo mannira dihagiidhino. Kunni daafira hakko manni reeshshi halallitte gobbara uwe gatino.

MARRO 2:14

Qaadesi Bernenni ka'nummo yannanni kayise, Zereediha moola laga fullummo geeshsha 38 diri goofino. Hatte yannara olaho iillitinori hatte ilama labballi baalunku Kaaliiqi balaxe xaarino garinni co'o yite gooffino.

MARRO 2:16

Mannu mereero noori olantannori baalunku reyituhu gedensaanni,

IYYAASU 5:3

Iyyaasuno Kaaliiqi hajajinosinte gede, Barcimshiishate Roggeeti yinanniwa Israeeloota barcimshiishi.