IYYAASU 5:13 - Qullaawa Maxaafa

¹³ Iyyaasu Iyyaarko mule hee'reenna, bise amadinohu mittu wedellichi hedeweelcho albasiinni uurre nooha afi. Iyyaasuno isiwa shiqqi yee, «Ati ninke manchootinso diinnanke garooti?» yee xa'mi.

IYYAASU 5:13 ပူးပေါင်းရင်းမြစ်များ

KALAQAMA 18:1

Mitte soodo barru taalootira Abirihaami dukkanu waalchira ofolle hee'reenna, Kaaliiqi Memire haqqe qullaawate mule leellisi.

KALAQAMA 18:2

Haxo gotti yee la"anno woyite, sasu manni uurre nooha afe, haa'ransara dukkanu waalchinni kae dodi; alba hige gombisame keere haa're,

KALAQAMA 28:16

Yaiqoobino goxanotenni kae, «Anilla diafoommona, halaalinta konne darga Kaaliiqi no» yii.

KALAQAMA 33:1

Yaiqoobi gotti yee la"anno woyite, Eesawu 400 manna hoodete adhe daanna afi. Oososino beehe Liya, Raaheelinna lamenta irkote meentisi anga wori.

KALAQAMA 33:5

Eesawu wirri yee la"anno woyite meentonna ooso afe, «Kuni ledokki noohu aye mannaatiyya?» yii. Yaiqoobino, «Mooticha'ya! Kuri Maganu shaqqillisinni uyinoe oosooti» yee dawari.

UMI DUDUWO 12:22

Barru barrunkunni haaru haaru manni daye lexxanna Daawiti olanto lowo geeshsha bati'ranna wolqaataame ikkitu.

UMI DUDUWO 21:27

Kaaliiqino sokkaasincho, «Bisekki kou giddora qoli» yiisi. Sokkaasinchuno hajajinosi gede assi.

UMI DUDUWO 21:30

Ikkollana Daawiti, Kaaliiqi sokkaasinchi bise waajjino daafira hakkiira mare Kaaliiqa magansi'ra didandiino.

FULO 23:23

Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo.

DAANIEELI 10:5

Haxo gotti yee laeemmo woyite, waajjo shaalado uddano uddi're halloho dancha culku qabatto qodhinoha mitto mancho afummo.

DAANIEELI 8:3

Hakko Wayi gama 2 seeddaanna buudda afi'rinohu mittu ge'rechu goci uurre no. Layinki buudi gede'ne fulinoho; ikkirono seendille balaxe fulinoha rooranno.

ZAKKAARIYAASI 1:8

Mittu sokkaasinchi duumo farashsho gulufe nooha afoommo; isino lagichu giddo uddote haqqe mereero uurre no; isira badheenni duumu, hamarunna waajju faradi uurre no.

KIIRO 22:23

Harricho, Kaaliiqi sokkaasinchi bise amade doogote uurre nooha affe doogote aaninni wirri yite loosu giddora e'u. Beleaami kayinni doogote widira higganno gede ganise.

KIIRO 22:31

Hatte yannara Kaaliiqi Beleaamira ille faneennasi, bise amade doogote uurre noo sokkaasincho afi. Isino umo heeshshi yee alba hige diriiri.

SOQQAMAASINETE LOOSO 1:10

Isi gordu iimira fulanna, rosaanosi iima higge la'anni heedheenna lamu waajjo uddano uddidhino mannooti mulensa uurrite,

IYYAASU 6:2

Kaaliiqi Iyyaasura, «Iyyaarko mootesinna bareedda gaaddosi ledo angakkira sayise eemmohe.

YOHAANNIS AJUUJA 1:13

Hakko uduunni mereero manchi beetto lawannoha afummo. Isi hunda iillitinota seeda uddano uddi're no; gagasoho culku hiito usudhe no.

EJJEETTO 13:11

Maanuheno galtesi hoode ha'ri. Iillanni hee'renni, «Galte'ya ledo hasaawittohu ateetini?» yee xa'mi. Isino, «Ee aneeti» yee dawarisi.

EJJEETTO 13:22

Maanuheno galtesira, «Magano illetenni la'noommona reyankeeti» yiise.