IYYAASU 5:1 - Qullaawa Maxaafa

¹ Yordaanoosi Wayira Galchimaanni noori Amooraawootu mootoollanna Mediteraaniyu Baari laayyora heedhannori Kana"aanootu mootoolla baalanti Israeelete manni fula geeshsha Kaaliiqi Yordaanoosi Waa mooshshinonsata macciishshitu. Israeeloota waajjitino daafira masseenna goonte ba'unsa.

IYYAASU 5:1 ပူးပေါင်းရင်းမြစ်များ

KALAQAMA 12:6

Abiraami Sekeemi nootewa More haqqicho qullaawanniwa iilla geeshsha ha'ri; hatte yannara Kana"aanootu hatte gobbara heedhanno.

KALAQAMA 48:22

Ani Amooraawootuwiinni bagadi'yanni olame adhoommota shaqqado tullichaame baatto roduuwikkira ikkikkinni atera oommohe» yiisi.

LAYINKI SAAMUEELI 21:2

Mooteno Gebaooni manna woshshi. (Insa Amooraawootuwiinni baxxite gattinoreeti ikkinnina Israeelete manni ga're di"ikkitino. Israeelete manni kaa'lansara xaarino; Saaooli kayinni Israeeletenna Yihudu mannira giwisi're gudansara kaino.)

UMI MOOTOOLLA 10:5

Selemooni mini sagale, ledosi gashshaano galtanno minna, mootete mini loosaasine qixxaabbino garanna uddidhino imaana, angannire shiqinshannire, jilaho soqqantannorenna Kaaliiqihu Qullaawu Minira shiqinshanni kakkalo baala la'u. Konne baala la'e dhaggeeffattino daafira yitannori baise.

IZIRA 9:1

Kuni coyi ikkihu gedensaanni sooreeyye anewa dagge, «Qeesootanna Leewaawoota aanaho lexxe Israeelete manni, olliinsa Kana"aanootu, Hitootu, Ferizootu, Iyaabuusootu, Amoonootu, Moaabootu, Gibitsootunna Amooraawootu battewiinni dibaxxino.

FAARSO 135:11

Amoorawootu moote Sewooni, Baasaani moote Aaginna Kana"aani mootoolla baala shee gudino.

FULO 23:28

Ki'nera balaxe alba qole harridiida soye, Hiwoota, Kana"aanootanna Hitoota albi'nenni shorreemmo.

ISAYAASI 41:5

«Giddichuwate heedhanno gosa, ani assoommore baala affe, lowo geeshsha masse huxidhino; mitteenni gamba yite anewa daggino.

HIZIQEELI 16:3

Mootichu Kaaliiqi isera yaannore, ‹Ilamoottahu Kana"aani baattoraati; annikki Amooraawichaho; amakki kayinni Hitichote.

HIZIQEELI 21:7

‹Mayira urattto?› yite xa'mitannohe woyite, ‹Albillittete daara noohu bushu duduwi daafira yeeti. Hakku duduwi daanno yannara, wodani'ne daaqanno; anga'ne shaqqitanno; goonte'ne waa ikkitanno; gulubba'neno qece yitanno. Kunino keeshshikkinni ikkanno; digatannoho yaanno Mootichu Kaaliiqi› yite kulinsa» yiie.

DAANIEELI 5:6

Hakkawoyintenni mootete albi kolossi yii. Masillu batinyinni kainohunni lekka qece qece yitusi; wolqano waa ikkitusi.

AMOOTSI 2:9

«Ani kayinni ki'ne daafira yee hojja daguwu gedeere, jawaante ejersu gedee Amooraawoota rumushshunkunni buqqise hunoommo.

KIIRO 13:29

Amaaleqootu wodiidi ragaanni, Hitootu, Iyaabuusootunna Amooraawootu gaaraame gobbara heedhanno. Kana"aanootu qolte Mediteraaniyu Baari mulenna Yordaanoosi Wayi qooxeessira heedhanno» yite kultu.

IYYAASU 17:12

Ikkollana, Minaase manni hatte katammara hee'ranno manna shorre hunate dandiinokki daafira, Kana"aanootu hakkiicho heedhu.

IYYAASU 17:18

Kunnira, gaaraame gobba ki'nera ikkitanno; dubbono ikkiro doltine qaccetenni qaccete geeshsha umi'ne iqqa assidhe. Kana"aanootaho ayi gedeno siwiilu faradi gaare heedhunsaronna jawaatoota ikkituro nafa, fushshitine shorra dandiitinanni» yiinsa.

IYYAASU 24:15

Iso magansi'ra dancha lawa hooggu'nero kayinni, akaakka'ne Efiraaxisi Wayira widoonni heedhu waro magansidhure, woy xa gobbansara heedhinannirita Amooraawootu maganna magansidhinanniha ikkiro, magansidhinanniha techo doodhe. Aninna mini'ya manni kayinni Kaaliiqa magansi'neemmo» yii.

IYYAASU 3:16

wayi lolaha aguri. Tsaritaani mule, Adaami yinanni qachira kofame fafe duunami. Reyote Baariwa hige du'namanni noo lolahino co'onta uurri. Kunnira, mannu qarru nookkiha fule Iyyaarko mulira iilli.

IYYAASU 3:17

Mannu baalunku moola baatto kaxxanni fulanno yannara, Kaaliiqiha Gondooru Taaboota dukkino qeesooti mannu baalu fule ka"a geeshsha Yordaanoosi Wayi giddo moola baatto aana uurrite no.

YOHAANNIS AJUUJA 18:10

Iillinose qarra la'anno woyite, waajjitino daafira xeertote uurrite, «Bati'ranna jawaata Baabilooni, ate aanne'e! Xaano ate aanne'e! Mitte saate giddo baokki daggu» yitanno.

EJJEETTO 1:1

Israeele Iyyaasu reyihu gedensaanni, «Kana"aanoota qasate albaanni aye sayisi'no?» yite Kaaliiqa xa'mitu.

EJJEETTO 11:23

«Kune mannisi Israeelete daafira yee Amooraawoota shorrinohu Israeelete Magani Kaaliiqaati. Atera adhate mayi doogo noohe?

EJJEETTO 3:3

Hatti gosano: Filisxeeme 5 gashshaanonsa ledo, Kana"aanootu gudisante, Sidoonootahonna Libaanoosi Ilaalira Ba"aalihermooninna Hamaati Lawo mereero heedhanno Hiwootaati.

EJJEETTO 4:2

Kunnira Kaaliiqi Hatsoori gashshe noohura Kana"aani mootera Yaabiinira sayise hirinsa. Yaabiini olanto hajajaanchi Sisaara, Harosheti-Hagoyimi hee'ranno.

UMI SAAMUEELI 25:37

Soodeenna dimbu higisihu gedensaanni, hadhe daggu gara kulteennasi mase qiide milli yaa hoogi.