IYYAASU 4:14 - Qullaawa Maxaafa

¹⁴ Hakko barra, Kaaliiqi assinohu dhaggete coyi Israeelete manni, Iyyaasu jawa albisa ikkinota wodanchanno gede assinsa. Muse ayirrisinte gede, Iyyaasuno lubbotenni hee'ri yanna baalantera ayirrisisi.

IYYAASU 4:14 ပူးပေါင်းရင်းမြစ်များ

UMI MOOTOOLLA 3:28

Israeelete manni Selemooni yiino yoo macciishshihu gedensaanni, taalo coyi'ranno gede Maganu uyinosi egenno giddosi noota afe lowo geeshsha ayirrisisi.

LAYINKI MOOTOOLLA 2:15

Iyyaarkonni dagginori 50 himanaano iso affe, «Eeliyaasi ayyaani Elsaira saino» yitu. Insano isiwa shiqqi yite albasiinni ubbe keere haadhe,

UMI DUDUWO 29:25

Kaaliiqi gobbate manni baalu aana Selemooni ayirrado assisi; isira albaanni mookkinoti Israeelete mootoolla afidhinokkiha mootimmate ayirrinye uyisi.

LAYINKI DUDUWO 30:12

Maganuno hedosi garinni mootenna ledosi roorrooti yitino coye wonshanno gede, Yihudu manni wodana mitto asse kakkayisino.

FULO 11:3

Kaaliiqi, Israeelete Gibitsootu albaanni gaacheena uyinsa; Feriooni ledo gashshaanonna mannu baalu, Museno ayirrisisi.

FULO 14:31

Israeeleno Kaaliiqi Gibitsootu aana leellishinota jawaata wolqasi affe waajjitu; Kaaliiqanna soqqamaanchosi Museno ammantu.

LAWISHSHA 24:21

Beetto'ya, Kaaliiqa waajji; mooteno ayirrisi; insara hajajantannokkiri ledono sumuu yitooti.

ROOMU SOKKA 13:4

Gashshaanchu atera dancha coye assate Maganu soqqamaanchooti; gashshaanchu bagado mulla diqodhinona busha assattoha ikkiro iso waajji. Isi, bunshe assitannore qorichishatenni Maganu soqqamaanchooti.

UMI QORONTOOSI 10:2

Baalunku Muse ledo karsante gomichunna baaru giddo cuuantino.

IYYAASU 3:7

Kaaliiqi Iyyaasura, «Techo barra ani alba'neenni asseemmo coyinni, Israeele baalanti ate jawu manchi gede assite ayirrissannohe gedenna Muse ledo hee'rummonte gede ate ledono noommota huwattanno gede asseemmo.

IYYAASU 4:13

Insa giddonni fultinori 40,000 geeshsha ikkitino olanto, Kaaliiqi albaanni dirante Iyyaarko mule noo xawo fultu.

IYYAASU 4:15

Kaaliiqi Iyyaasu, «Gondooru Taaboota dukkino qeesooti Yordaanoosi Wayi giddonni fultanno gede hajaji» yiisi.

UMI SAAMUEELI 12:18

Hakkunni gedensaanni Saamueeli Kaaliiqa huucci; hakko barranni Kaaliiqi beleqonna xeena dirrisi. Kunnira mannu baalunku Kaaliiqanna Saamueeli lowo geeshsha waajji.