IYYAASU 4:10 - Qullaawa Maxaafa

¹⁰ Mannaho kulanno gede Kaaliiqi Iyyaasu hajajinosi garinni, baalunku coyi ikka geeshsha qeesootu Yordaanoosi Wayi giddo uurrite keeshshitu. Muse Iyyaasura uyino hajajono tenneeti. Mannuno rahe waa tayise fuli.

IYYAASU 4:10 ပူးပေါင်းရင်းမြစ်များ

FAARSO 119:60

Keeshshummokkinni rahotenni hajajokki wonsheemmo.

FULO 12:39

Gibitsetenni fultu yannara, sagale qixxeessi'ratenna shiisheenna tima ga'nate yanna afidhinokki daafira, Gibitsetenni adhite fultinoha liisamino gide tima ga'nitu.

LAWISHSHA 27:1

Barru maa abbannoro diafoottona, ga'a daafira adawadhitooti.

ROSIISAANCHO 9:10

Reyittohu gedensaanni marattowa loosu, hedo, egennonna hayyo dinona, nootto geeshsha noohe wolqa baalantenni loosi.

ISAYAASI 28:16

Kunnira Mootichu Kaaliiqi, «Kaajjado safote kincho Tsiyooni woreemmo. Isino ayirradohonna ammanaminoho; iso hexxannohu disaalfatanno.

LAYINKI QORONTOOSI 6:2

Maganu, «Injiitino yannara macciishshoommohe; gatote barrano kaa'loommohe» yaanno daafira, kuneeti injiitino yanna xaati; gatote barrino techooti.

MARRO 31:9

Museno konne Seera borreesse, Kaaliiqiha Gondooru Taaboota dukkannorira Leewaawootu qeesootiranna Israeelete manni geerri baalunkura uyi.

IYYAASU 24:11

Ki'neno Yordaanoosi Waa fultine Iyyaarko dagginoonni. Iyyaarkote manni, hattono Amooraawootu, Ferizootu, Kana"aanootu, Hitootu, Gergesootu, Hiwootunna Iyaabuusootu qassa'nera ka'ino. Ani kayinni, insa baalanka qeeltinanni gede assoommo'ne.

IYYAASU 3:13

Baatto baalante Mootichiha Kaaliiqiha Gondooru Taaboota dukkino qeesooti lekkuwa waa kissanno yannara, Yordaanoosi Wayi ha'ra aguranno. Aliidinni lolahanni daanno wayino mittowa gamba yee eelanno» yii.

IYYAASU 4:11

Baalunku fule kaihu gedensaanni, Gondooru Taaboota dukkino qeesooti albaanni sa'e manna massaga hanaffu.

IYYAASU 4:9

Iyyaasuno qole, qeesootu Gondooru Taaboota dukke uurritu darga Yordaanoosi Wayi giddo 12 qaaggote kinna uurrisi. Hatti kinna techo geeshsha hakkiicho no.