IYYAASU 3:17 - Qullaawa Maxaafa

¹⁷ Mannu baalunku moola baatto kaxxanni fulanno yannara, Kaaliiqiha Gondooru Taaboota dukkino qeesooti mannu baalu fule ka"a geeshsha Yordaanoosi Wayi giddo moola baatto aana uurrite no.

IYYAASU 3:17 ပူးပေါင်းရင်းမြစ်များ

LAYINKI MOOTOOLLA 2:8

Hakkunni gedensaanni Eeliyaasi kaabbasi fushshe xaaxe kae isinni waa gani; wayino guraranna qiniitira lamewa beehameenna, lamunku moola baatto aanaanni higge fultu.

FAARSO 66:6

Baara moola baattora soorrino; akaakkankeno lolahanno wayi giddoonni higge lekkansanni sa'ino. Kunninni kainohunni, hakkiicho ninkera tashshi yiinonke.

FULO 14:21

Museno angasi baaru aana diriirsi; Kaaliiqino wolqaataame soojjaati bubbe abbeenna hashsha wo'ma bubbissanni galte baara lamewa badde baatto mooshshitu.

FULO 14:22

Israeelete mannino baaru giddoonni moola baatto kaxxanni sai; wayino guraanninna qiniiteenni gammalu gede ikke uurri.

FULO 14:29

Israeelete manni kayinni, baaru giddoonni moola baatto kaxxe sa"anno yannara, wayi guransaanninna qiniitensaanni gammalu gede ikke uurri.

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

KIIRO 33:51

«Israeelete, ‹Kana"aani eate Yordaanoosi fultinanni yannara,

IBIRAAWOOTA 11:29

Israeelootu moola baatto aanaanni ha'rannohu gede ikkite, Duumo Baara fultinohu amma'natenniiti; Gibitsete mannino hatto assara wo'naali yannara, baalunku itante gattino.

IYYAASU 4:1

Mannu baalu Yordaanoosi fulihu gedensaanni, Kaaliiqi Iyyaasura,

IYYAASU 4:10

Mannaho kulanno gede Kaaliiqi Iyyaasu hajajinosi garinni, baalunku coyi ikka geeshsha qeesootu Yordaanoosi Wayi giddo uurrite keeshshitu. Muse Iyyaasura uyino hajajono tenneeti. Mannuno rahe waa tayise fuli.

IYYAASU 4:11

Baalunku fule kaihu gedensaanni, Gondooru Taaboota dukkino qeesooti albaanni sa'e manna massaga hanaffu.

IYYAASU 4:22

‹Israeele Yordaanoosi moola baatto aanaanni higge fultino.

IYYAASU 4:3

Yordaanoosi Wayi mereero qeesootu uurritu darginni 12 kinna haadhe fultanno gede hajaji. Kinnano haadhe massite techo hawarro galtinanni darga uurrissanno gede kulinsa» yiisi.

IYYAASU 5:1

Yordaanoosi Wayira Galchimaanni noori Amooraawootu mootoollanna Mediteraaniyu Baari laayyora heedhannori Kana"aanootu mootoolla baalanti Israeelete manni fula geeshsha Kaaliiqi Yordaanoosi Waa mooshshinonsata macciishshitu. Israeeloota waajjitino daafira masseenna goonte ba'unsa.