IYYAASU 24:8 - Qullaawa Maxaafa

⁸ Hakkunni gedensaanni, Yordaanoosira soojjaatoonni Amooraawootu heedhanno baatto haa're abboommo'ne. Insa ki'ne ledo gaarantino; ani kayinni insa qeeltinanni gede assoommo'nehura, baattonsa ragidhinoonni. Alba higgine qaaffini deerrinni, insa hunummo.

IYYAASU 24:8 ပူးပေါင်းရင်းမြစ်များ

NEHIMIYA 9:22

«Dagate gashshootenna mootoolla qeelte, baattonsara aantino gobba amaddanno gede assootto. Moote Sewooni gashshinota Hasebooni baatto qeelte amaddino; moote Aagi gashshinota Baasaani baatto ragidhino.

FULO 23:23

Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo.

AMOOTSI 2:10

Gibitsete gobbanni fushshe 40 diro wo'ma halallitte gobbara massagoommo'ne. Amooraawootu baattono ki'nera iqqa asse oommo'ne.

AMOOTSI 2:9

«Ani kayinni ki'ne daafira yee hojja daguwu gedeere, jawaante ejersu gedee Amooraawoota rumushshunkunni buqqise hunoommo.

MARRO 2:32

Sewooninna olantosi baala Yahaatsi Katamira ninke ledo gaarantara fultu yannara,

IYYAASU 13:10

Qoleno, Hasebooni moohinohu Amooraawootu moote Sewooni hee'rino katammanni kayise, Amooni danni geeshsha iillanno.