IYYAASU 22:9 - Qullaawa Maxaafa

⁹ Kunni garinni, Roobeeliti, Gaaditinna soojjaati Minaase ga're wo'munku base basensa galagalte hadhu. Insano geegiissineennansa Muse widoonni Kaaliiqi hajajinonsa garinni alba iqqa assidhe adhitinowa Geleaadi gobba higgu yannara, wolootu Israeelootu Seelo gattino.

IYYAASU 22:9 ပူးပေါင်းရင်းမြစ်များ

LAYINKI SAAMUEELI 2:9

Abeneeri Iyaabuste Israeelete moohanno gede assi. Tini gobbano Geleaadi, Aseeri, Iyiziraeeli, Efireemiranna Biiniyaami ga'rete.

UMI DUDUWO 5:9

Insa Geleaadi gobbara lowo saada ce'ino daafira, soojjaatoonni Efiraaxisi Wayi geeshsha noota halallitte baatto baala amaddu.

FAARSO 60:7

Geleaadi aneho; Minaaseno aneho; Efireemi siwiilu gullee'yaati; Yihuduno gashshooti'ya siqqooti.

KIIRO 32:1

Lowo lalo, ge'reewonna me"e afidhinori Roobeelinna Gaadi ga're Yaizeerinna Geleaadi baatto saadate toltinota ikkitinota affe,

KIIRO 32:20

Hakkunni gedensaanni Muse, «Kaaliiqi albaanni qodhitine olaho qixxaabbiniro,

KIIRO 32:22

baattono Kaaliiqi angara higguhu gedensaanni higginara dandiitinanni. Kaaliiqinna Israeele amaddanno'ne coyiwiinni gattinanni; tini baattono Kaaliiqi albaanni iqqa'ne ikkitanno.

KIIRO 32:26

Meentinkenna oosonke, ge'reewinke, meinkenna lalinkeno konniicho Geleaadi katammara gatanno.

KIIRO 32:29

«Gaadinna Roobeeli manni labballu baalu, Kaaliiqi albisanna olaho qixxaabbe ki'ne ledo Yordaanoosi fultannoha ikkiro, baattono anga'nera qo'litinanni yannara, insara Geleaadi baatto iqqa assitine uuyyensa.

MARRO 3:18

Hatte yannara ani, «Maganinke Kaaliiqi tenne baatto ki'nera iqqa asse uyino'ne. Ikkollana bagadaano'ne baalanti olaho qixxaabbo; roduuwinsa Israeelootu balaxxe Yordaanoosira widoonni fula hasiissannonsa.

MARRO 3:20

Kunino, ki'nera assinonte gede roduuwa'ne fooliishshiishansara Magani'ne Kaaliiqi Yordaanoosira widoonni aanno'ne baatto ragidha geeshshaati. Hakkunni gedensaanni, mitti mitti'ne oommo'ne iqqiwa higginanni» yee hajajoommo'ne.

MARRO 34:1

Muse Moaabi xawinni kae Iyyaarkora soojjaatoonni nooha Nebo Ilaali birxe Fisiga giddi. Hakkiicho Kaaliiqi Geleaadinni kayisse Daani Katami geeshsha noo baatto baala leellishisi.

IYYAASU 13:11

Kunino Geleaadi, Geshuurinna Maaka awuraajjanna Hermooni Ilaala gudise, hattono Saleka geeshsha nooha Baasaani giddo amadanno.

IYYAASU 13:25

Insa gashshooti, Yaizeerinna Geleaadi noo katamma baala Amooni baatto darate lede Raabara soojjaati ragaanni Aroeeri geeshsha iillanno.

IYYAASU 13:31

Kuni, Geleaadiha darate lede, Baasaani Aagi gashshootira dannawu katamma Astaarootinna Edirayi geeshsha iillanno. Konne baala Minaase beetti Makiiri ilama daratira uyinoonni.

IYYAASU 22:10

Roobeeliti, Gaaditinna soojjaati Minaase ga're Yordaanoosi Wayi mule Kana"aani nootewa Geliilooti katama iillitanni heedhenni, Yordaanoosi mule maala'linanniha lowoha kakkalote darga seekkitu.

EJJEETTO 20:1

Hakkunni gedensaanni aliyyeenni Daaninni, wodiidoonni Bersaabehinna soojjaatoonni Geleaadi geeshsha noo Israeele baala mitto ikkite Mitsiphara Kaaliiqi albira gamba yitu.

EJJEETTO 5:17

Gaadi ga're Yordaanoosira soojjaatoonni ofoltu; Daani ga're markaawete mule keeshshitu; Aseeri ga're Baaru qaccera gattu; marte baaru gama ofoltu.