IYYAASU 22:6 - Qullaawa Maxaafa

^6-8 Iyyaasu maassi'rinsahu gedensaanni, geegiissanni aane noo biddishsha uyinonsa. Hakkuno, «Kuneeti xa lowo saada, birra, culka, camo, siwiilanna lowo imaani gudhitine dureeyye ikkitine gobba'ne higginaraati. Kunnira, diini'newiinni adhitinoonni qafado massitine ayiddi'ne ledo beeqqe» yaannoho. Insano hakkunni gedensaanni darga dargansa hadhu. Muse Yordaanoosi Wayira soojjaatoonni Baasaani baatto Minaase ga'rera darateho iqqa asse uyinonsa. Wole Minaase ga'rera darateho kayinni, Iyyaasu Yordaanoosi Wayira galchimaanni wole ga're ledo ragidhanno baatto uyinonsa.

IYYAASU 22:6 ပူးပေါင်းရင်းမြစ်များ

KALAQAMA 14:19

Abiraami maassi'rannisi, «Gordonna baatto kalaqinohu Wo'munkura Aliidi Magani maassi'rohe;

KALAQAMA 47:10

Qoleno Feriooni maassi're, keerunni yee fule ha'ri.

KALAQAMA 47:7

Yooseefi annasi Yaiqoobino haa're Feriooniwa massi; Yaiqoobino Feriooni maassi'risi.

LAYINKI SAAMUEELI 6:18

Daawiti shilqonnitanna mittimmate kakkalo shiqishihu gedensaanni, mannasi Olantote Mootichi Kaaliiqi su'minni maassi'ri.

LAYINKI SAAMUEELI 6:19

Mannu baalunkura meya labbaahura mitto mitto tima, mitte mitte maalu gumanna, mitte mitte woyinete hunduruurro beehinsa. Hakkunni gedensaanni mannu baalunku mini minisira ha'ri.

LAYINKI SAAMUEELI 6:20

Daawitino minisi manni keere afara minisira ha'ri. Saaooli beetto Melkoolino Daawiti haadhara fulte, «Ati techolla diayirritto! Soqqamaanokki borojji albaanni wodana shotu manchi gede teedakki mulqidhe kubbitto?» yitusi.

UMI MOOTOOLLA 8:66

Ayyaana ayirrinse ka'nihunni layinki barra, moote Selemooni manna qae qaesi ha'ranno gede assi. Mannuno Selemooni maassi're, Kaaliiqi soqqamaanchisi Daawitiranna mannisira Israeelete assinohura danchu coyi baalu daafira hagiidhanni mini minisira ha'ri.

LAYINKI DUDUWO 30:18

Qoleno Efireemi, Minaase, Yisaakoorinna Zaabilooni ga'renni dayinohu keeraa'minokkihu lowo manni noo daafira, Mararrote Ayyaani jila itino. Hiziqiyaasi kayinni insa daafira, «Kaaliiqa, ati danchu Magani, ate akaakkanke Magano hasidhannori baalunku sao aguri. Qullaawu Mini seeri garinni keeraa'ma hoogguro nafa, ate wo'mu wodaninni magansidhanni noohere maarinsa» yaanni huucci.

FULO 39:43

Museno loosamino looso baalanka lai woyite, Kaaliiqi hajajino garinni loosaminota afi. Isino manna maassi'ri.

LUQAASI 2:34

Simiooni maassi'rinsahu gedensaanni amasi Maariyaami, «Kuneeti, kuni qaaqqi Israeelete giddo lowo mannira baote, lowo mannira gatote malaate ikkanno. Lowo manni giwannosi.

LUQAASI 24:50

Hakkunni gedensaanni Yesuusi rosaanosi Yerusaalametenni fushshe Biitaaniya haa're ha'ri. Hakkiichono angasi diriirse maassi'rinsa.

IYYAASU 14:13

Iyyaasuno, Yoofooni beetto Kaaleebi maassi'risi. Kebirooni katamano iqqa asse uyisi.

IYYAASU 24:28

Hakkunni gedensaanni, Iyyaasu manna baala geegiissi; mittu mittunku galagale base basesi ha'ri.

UMI SAAMUEELI 10:25

Saamueelino mootimmate hasiissanno wodhonna woga mannaho kulihu gedensaanni maxaafu aana borreesse Kaaliiqi albaanni Gondooru Taabooti mule wori. Hakkunni gedensaanni Saamueeli manna baalanka qae qaesi ha'ranno gede assi.

UMI SAAMUEELI 13:2

Israeelete giddonni 3,000 manna doori. Mikimaasinna Beeteli gaaraame gobbara isi ledo 2,000, Biiniyaami gobbara Gibia beettisi Yoonaataani ledo 1,000 manni no. Hakkuyi ka'i manna kayinni qae qaensa ha'risino.

UMI SAAMUEELI 2:20

Eelino, «Huuccattotenni afidhe Kaaliiqira uyitinohu beettise darga Kaaliiqi tenne mancho godowinni ila oohe» yaanni Hiliqaananna ayiddaamasi Haanna maassi'ranno. Hakkunni gedensaanni insano galagalte mininsara hadhanno.