IYYAASU 22:5 - Qullaawa Maxaafa

⁵ Muse uyino'ne Seera seekkitine agadhe; Magano'ne Kaaliiqa baxxe; hedosi wonshe; hajajosino agadhe. Isira ammanantinoonnire ikkitine, wo'mu wodaninninna wo'ma lubbonni soqqammesi» yii.

IYYAASU 22:5 ပူးပေါင်းရင်းမြစ်များ

FAARSO 106:3

Hajajosi wonshitannorinna, wo'manka woyite halaale loossannori, hiitto baraadhinoreeti!

FAARSO 78:7

Kunni garinni Magano hexxitanno. Isi assinore baala dihabbanno; hajajosino ayirrissanno.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

FULO 20:6

Baxxannoerenna hajajo'ya ayirrissannore kayinni kume ilama geeshsha bagamannokki baxillinni baxeemmonsa.

FULO 23:13

Yoommo'nere baala seekkitine agadhe; wole maganna huuccidhinoonte; su'mansano ga'nitinoonte.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

LAWISHSHA 4:23

Wodanu heeshshote buichootina, wo'munkurinni roorsite iso agadhi.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

LUQAASI 1:74

diinnanke anganni gatise fushshankeranna, waajjinummokkinni soqqammeemmosi gedeeti.

YOHAANNISI 12:26

Anera soqqama hasi'rannohu hoode'ya dayo; soqqamaanchi'ya ani noommowa hee'ranno. Anera soqqamannoha Anni'ya ayirrisannosi» yii.

YOHAANNISI 14:15

«Baxxinannieha ikkiro, hajajo'ya agadhitinanni.

SOQQAMAASINETE LOOSO 11:23

Isino mare Maganu mannaho uyino elto lae, lowo geeshsha hagiidhi. Baalunku wo'mu wodaninni kaajjite Mootichaho ammanante heedhanno gede kulinsa.

SOQQAMAASINETE LOOSO 27:23

Sai hashsha isiha ikkoommohu magansi'reemmo Magani soyino sokkaasinchi daye mule'ya uurre,

ROOMU SOKKA 1:9

Wo'manka woyite huuccatto'yanni qaageemmo'netera, Beettisiha Dancha Duduwo kulanni wo'mu wodani'yanni soqqameemmosi Magani naqaashshe'yaati.

ROOMU SOKKA 12:9

Baxilli'ne goowi aliha ikkoonke. Busha coye gibbe; dancha coye cu'midhe.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 11:22

«Magano'ne Kaaliiqa baxxinanni gede, doogosi aana hadhinanni gedenna isi ledo mitto ikkitine heedhinanni gede oommo'neta tenne hajajo baalanta seekkitine agadhe.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

MARRO 4:4

Magani'ne Kaaliiqira ammanantinoonniri ki'ne wo'munku kayinni, kuneeti techo geeshsha lubbotenni heedhinoonni.

MARRO 4:6

Tenne woga baala macciishshitannoriranna, «Halaalinta tini bayira gosa mageeshshi ogimmanna wodancha afidhino!» yaanno mannira ogimma'nenna wodancha'ne leeltanno gede seekkitine agadhe.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 5:10

Baxannoehuranna hajajo'ya agadhannohura kayinni, kume ilama geeshsha bagamannokkiha baxille'ya leellisheemmo.

MARRO 6:17

Magani'ne Kaaliiqi uyino'ne hajajo, biddishshanna woga seekkitine agadhe.

IBIRAAWOOTA 12:15

Ki'ne giddonni ayerano Maganu elto xe'annokki gede qorophe! Mereero'ne qaraaranno rumushshi mu're qarrisanno'nekki gedenna lowo mannano batteessannokki gede qorophe.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

IYYAASU 23:8

Hakkawarinni xaa geeshsha assitinoonninte gede Magani'ne Kaaliiqira ammanantine heedhe.

YOHAANNIS AJUUJA 15:3

Insa Maganu soqqamaanchita Muse faarsonna Ge'rechu faarso: «Wo'manka Dandaattohu, Mooticha Magano! Loosikki dhaggetenna maalalete! Gosa baalate moote, dooggakki taalotenna halaaleho!

UMI SAAMUEELI 12:20

Saamueelino, «Waajjitinoonte; tenne baala bunshe assa'ne noote. Ikkollana Kaaliiqa wo'mu wodani'nenni magansidhesi ikkinnina isiwiinni faffinoonte.

UMI SAAMUEELI 12:24

Ki'ne Kaaliiqalla waajje; co'o yiino wodaninni ammanamatenni soqqammesi. Assino'ne dhagge baala habbinoonte.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.