IYYAASU 22:18 - Qullaawa Maxaafa

¹⁸ Xa ki'ne Kaaliiqi hoode ha'ra giwa'neetini? Ki'ne techo Kaaliiqi aana bunshe assitiniro, isi ga'a Israeele wo'mantera hanqanno.

IYYAASU 22:18 ပူးပေါင်းရင်းမြစ်များ

LAYINKI SAAMUEELI 24:1

Kaaliiqi galagale Israeelete mannira hanqino daafira, Daawiti kakkayise qarru iillannonsa gede, «Marte Israeelenna Yihudu manna kiiri» yii.

UMI MOOTOOLLA 9:6

Ikkollana, ati woy oosokki ane hoode ha'ra agurtine oommo'ne seeranna hajajo wonsha gibbinironna wole maganna magansidhiniro,

LAYINKI MOOTOOLLA 17:21

Kaaliiqi Israeele Yihuduwiinni badihu gedensaanni Israeele Naabaaxi beetto Iyorbiaami moohisidhino. Iyorbiaamino Kaaliiqa agurtanno gede asse lowo cubbi giddora eessinonsa.

UMI DUDUWO 21:1

Sheexaanu Israeelete manna qarrisara yee manna kiiranno gede Daawiti kakkayisi.

UMI DUDUWO 21:14

Kunnira Kaaliiqi Israeelete gobbara lowo dhibba dirriseenna 70,000 manni reyi.

LAYINKI DUDUWO 25:27

Amesiyaasi Kaaliiqa aguranni hee'reennanni, Yerusaalamete iso shaate gano ganneenna, Lakiishi yinanniwa xooqino. Ikkollana baarigaarrasi hakkiichi geeshsha manna sokke shiishiishshinosi.

LAYINKI DUDUWO 34:33

Moote Iyosiyaasi Israeelete gobbara noota tiyyi'nanni maganna baala gude, mannu Maganinsa Kaaliiqira soqqamanno gede assi. Isi yannara mannu akaakkansa Magani Kaaliiqiwiinni difafino.

LEEWAAWOOTA 10:6

Muse Aarooniranna oososira Aliaazaariranna Itaamaarira, «Dadillitinoonnita leellishate, umo'ne meexxitinoonte; uddano'neno dartinoonte; hatto assitiniro, ki'neno reyitinanni; Kaaliiqino manna baalaho hanqanno. Kaaliiqiwiinni daggino giira itte shitinorira, fiixi'ne Israeele wi'la dandiitanno.

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

KIIRO 32:15

Isi hoode ha'ra agurtiniro, xaano konne manna baala halalla facci asse aguranno; iillitannonsa baorano ki'ne xa'mantinanni» yiinsa.

MARRO 7:4

Kunino, ooso'ne ane hoode hadhannota hoolte wole maganna magansidhanno gede assitannohuranna hakkunninni kainohunni Kaaliiqi hanqi aana'ne buwe, rahe hunanno'nekki gedeeti.

IYYAASU 22:15

Insano Roobeeli, Gaadinna soojjaato noori Minaase manni heedhannowa Geleaadi marte iillitu.

IYYAASU 22:16

Hakkiira iillite Kaaliiqi manni baalaho, «Konne kakkalote darga umi'nera seekki'ratenni Kaaliiqi aana busha assitinoonni; hoodesino dihadhinoonni; kunni garinni Israeelete Magani aana konne busha coye mayira assitini?

IYYAASU 22:20

Zaara beetti Akaani batte ikkinore adhe cubbo loosinota qaagge. Hakkunninni kainohunni Kaaliiqi wo'mu Israeelete mannira hanqino; cubbisi daafira reyinohu Akaani calla di"ikkino» yitu.

IYYAASU 7:1

Israeelootu kayinni batte ikkinore huntinokki daafira, sao assitino. Hakkuno Yihudu ga'renni Akaani yinanni manchi assino coyeti. Akaani Kariimiho; Kariimi Zabiidiho; Zabiidi Zaaraho. Akaani hoolloonniricho adhino daafira, Kaaliiqi hanqi Israeelete aana buwi.

IYYAASU 7:11

Israeele saowe assitino! Agadhitanno gede ane ledo e'ino gondooro diiggino. Huna hasiissannonsari giddonni gamare adhitino; moortuhu gedensaanni, mittoricho adhitinokkihu gede kaphite uminsa jajji ledo karsidhino.

IYYAASU 7:21

afi'noommo uduunni giddonni seyinoha Baabiloonootu kaabba, 2 kiilo keenanno geeshshiha kinchu birranna kiilote darate ikkannoha micciirote culka laoommo; yorsiisinoe daafira adhoommo. Kore, birra woroonni wore dukkani'ya giddo waameenna no» yii.

UMI SAAMUEELI 12:14

Kaaliiqa waajjitinironna magansidhiniro, yiinota macciishshitinironna hajajosi agadhitiniro, ki'nenna moote'ne Magani'ne Kaaliiqi hoode hadhiniro baalunku coyi seyanno'ne.

UMI SAAMUEELI 12:20

Saamueelino, «Waajjitinoonte; tenne baala bunshe assa'ne noote. Ikkollana Kaaliiqa wo'mu wodani'nenni magansidhesi ikkinnina isiwiinni faffinoonte.