IYYAASU 22:11 - Qullaawa Maxaafa

¹¹ Gatinohu Israeelete manni, «Roobeeliti, Gaaditinna soojjaato nooti Minaase ga're Yordaanoosi Wayi mule Kana"aani baattora nootera ninke iqqira Geliilooti kakkalote darga seekkitino» yinanni duduwo macciishshi.

IYYAASU 22:11 ပူးပေါင်းရင်းမြစ်များ

YOHAANNISI 1:28

Kuni coyi ikkinohu, Yohaannisi cuuanni noowa, Yordaanoosi Wayira widoonni Biitaaniyu Katamiraati.

YOHAANNISI 20:1

Sambatu barra soodo guto duu'mo saaqqukkinni Megidelitte Maariyaami Yesuusi waammawa martu. Hakkiira iillitanno woyite waamma tu'noonni kinchi waammate afiinni ho'le nooha affu.

YOHAANNISI 20:12

Yesuusi reeshsha worroonniwa lamu waajjo uddano uddidhino sokkaasine mittu umaalloonni mittu lekkaalloonni ofolte no.

MARRO 12:11

Hakkunni gedensaanni, Magani'ne Kaaliiqi su'misi galannowa ikkanno gede doodhanno darga, hajajeemmo'nere baalanka: Shilqote kakkalonna wole kakkalo, tonnunni mittonna baxxine uyitinanni afansha, hattono Kaaliiqira xa'nitinoonniha ayirrado coye baala hakkiira abbitinanni.

IYYAASU 2:7

Mootete soqqamaano katamunni fulte hadhu. Katamu waalchino cufami. Soqqamaanosino dooyyitannore hassanni Yordaanoosi Waa fullanniwa massitanno doogo higge hadhu. Hassannori fulte hadhanni heedheennanni katamu waalchi cufami.

IYYAASU 22:10

Roobeeliti, Gaaditinna soojjaati Minaase ga're Yordaanoosi Wayi mule Kana"aani nootewa Geliilooti katama iillitanni heedhenni, Yordaanoosi mule maala'linanniha lowoha kakkalote darga seekkitu.

IYYAASU 22:16

Hakkiira iillite Kaaliiqi manni baalaho, «Konne kakkalote darga umi'nera seekki'ratenni Kaaliiqi aana busha assitinoonni; hoodesino dihadhinoonni; kunni garinni Israeelete Magani aana konne busha coye mayira assitini?

IYYAASU 22:19

Kunnira, tini heedhinanni baatto magansi'rate injiitannokkita ikkituro, dukkanisi qasaminowa Kaaliiqiwa amme; ninke iqqa ikkitino baattonni injaanno'ne darga adhe. Maganinke Kaaliiqi aana kayinni bunshe assitinoonte. Woy alba seekkinoonnihu Maganinke Kaaliiqihu kakkalote dargi aana leddine wole kakkalote darga seekkatenni ninkeno bushuulle assitinoontenke.

EJJEETTO 12:5

Geleaadootu Efireemira sayissannota Yordaanoosi lawo baala amaddu. Xooqe fulanno Efireemichi Geleaadi manna, «Saoni?» yee xa'miro, «Ati Efireemichaho?» yite xa'mitannosi. Hakko manchino, «Dee'ni» yee dawariro,