IYYAASU 20:9 - Qullaawa Maxaafa

⁹ Israeelete manniranna giddonsa heedhannori wole gobba mannira, eeggote darga ikkanno gede doorroonni katamma tenneeti. Aye manchino danotenni manna shiiro, songote yoo yinikkinni shinannikki gede hatte katamma giddonni mitto katama xooqe, rabbisi'rasira hasanno manchi anganni gatanno.

IYYAASU 20:9 ပူးပေါင်းရင်းမြစ်များ

KIIRO 35:13

Leewaawootaho uyitinanniri tini leenti katamma eeggonnita ikkitanno'ne.

KIIRO 35:15

Tini leenti katamma danotenni manna shiino manchi maaxamanno gede Israeelete, manni gobba manniranna giddo'ne hee'ranno manni baalunkura eeggote darga ikkitona.

IYYAASU 20:4

Tenne katamma giddonni mittunniwa rahe ha're, katama e'nanni waalchira nooriwa yoo yitanno geerriwa shiqe ikkino coye baala ku'lanno. Hakkunni gedensaanni, katama eanno gede fajjitannosi; hee'ranno darga uyiteennasi hakkiicho keeshshanno.

IYYAASU 20:6

Songonniwa shiqeenna yoo yinasi geeshshanna, hakko sanira noohu qeesootu qari reya geeshsha hakko katamira keeshsha dandaanno. Hakkunni gedensaanni, galagale xooqe fulino katama hige minisira eanno» yee kulisi.

IYYAASU 20:8

Yordaanoosira widoonni, Iyyaarkora soojjaatoonni gotti yitinotera halallitte gobbara, Roobeeli gashshooti giddo nooha Beetseeri, Gaadi gashshooti giddo Geleaadi nooha Raamootinna Minaase gashshootira Baasaani nooha Goolaani doorte baddu.