IYYAASU 2:4 - Qullaawa Maxaafa

^4-6 Iseno, «Mini'yara mannu ea halaaleho. Ikkollana, hiikkiinni dagginoreetiro diafoomma. Katamu huxxi waalchi cufamara albaanni arrishsho e'anna fulte hadhino; hiikkiira hadhannorono diafoomma. Ikkirono, rakkine hordoffiniro, amaddinara dandiitinanni» yite dawartu. Ise kayinni balaxxe lamenka dooyyaano minese noo qaaxi aanira giddisiisse, shalaalate nadalla giddo maaxxinonsa.

IYYAASU 2:4 ပူးပေါင်းရင်းမြစ်များ

LAYINKI MOOTOOLLA 6:19

Hakkunni gedensaanni Elsai insawa shiqqi yee, «Doogo sodhinoonni; hasidhinoonni katami konne di"ikkino; hasidhinoonni manchiwa ani haa're masseemmo'nena hoode'ya amme!» yee Samaariya haa're ha'rinsa.

FULO 1:19

Insano, «Ibiraawootu meenti Gibitsennihu gedeeha di"ikkino; jawaatoota ikkinohura, ninke iillinummokkinni balaxe ilanno daafiraati» yee dawarisi.

YAIQOOBI 2:25

Foora Reaabi, Israeelete dooyyaano minisera haadhe, wole faro higge hadhanno gede assite iseno loosisenni dikeeraa'mitino?

IYYAASU 2:3

Reaabiwa sokka soye, «Minikkira eino manni baatto baalanta dooyyara dayinohona fushshite uyi» yiise.

IYYAASU 6:17

Katamunna giddosi noori baalu Kaaliiqira shiqinshanni kakkalo gede ikke goofa hasiissanno. Dooyyaanonke maaxxe gatissinohura, gunnitte Reaabinna minese noori callu gatona.

IYYAASU 6:25

Kayinnilla, Iyyaasu Iyyaarko soyinore lamenka dooyyaano maaxxe reyotenni gatissinohura, gunnitte Reaabi, ayiddesenna ledose noo manna baala reyotenni gatisi. Ise sirchi techo geeshsha Israeelete gobbara hee'ranno.