IYYAASU 2:11 - Qullaawa Maxaafa

¹¹ Konne coye macciishshinummo yannara, wodaninke daaqino. Ki'ne waajjinoommo daafira, goontenke baala ba'ino. Kaaliiqi Magani'ne gordunna baattote Maganooti.

IYYAASU 2:11 ပူးပေါင်းရင်းမြစ်များ

UMI MOOTOOLLA 8:60

Kunni garinni gobbate aana noo manni baalu Kaaliiqi callu Magano ikkinotanna iso agurranna wolu magani nookkita afanno.

LAYINKI MOOTOOLLA 5:15

Hakkunni gedensaanni Ni"imaani hoodesi noo manni ledo galagale Elsaiwa daye albasiinni uurre, «Gobba baalate Israeelete Magani callu Magano ikkinota xa buuxoommo. Kunnira, ballo ane soqqamaanchikkiwiinni afansha adhi» yiisi.

NEHIMIYA 6:16

Gaangaawinkera nooti diinnanke tenne macciishshitu yannara loosu Maganu kaa'lonni goofinota affe saalfattu.

ASTEERI 8:17

Mootete lallawa kulloonni gobbaranna katamma baalate heedhanno Ayihude hakko barra ayyaana ayirrisse hagiidhitanni ji'litu. Kunninni kainohunni lowohu wole gobba manni Ayihude waajje insa widira higi.

FAARSO 102:15

Daga Kaaliiqa waajjitanno; baattote aani mootoolla baala wolqasi la'e massanno.

FAARSO 22:14

Wolqa'ya waa ikkitu; miqqa'ya baala addi addinni fultu; wodani'ya gagate gede daaqi.

FAARSO 58:7

Insa wayi gede lolaasse huni; doogote tungoonni hayisso gede cancante mooshshi.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FULO 15:14

Daga tenne macciishshite, waajjite huxidhu; Filisxeemootano waajjillu amadinsa.

FULO 15:15

Edoomi roorrooti massu; Moaabi wolqaataammi huxidhu; Kana"aanootu daaqqu.

ISAYAASI 13:7

Kunninni kainohunni manna baalaho anga shaqqite waa ikkitanno; baalunku wodani daaqanno.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

HIZIQEELI 21:15

Manni'ya mase uwanno gede assitanno; banqote gede bilicci yitanna, shaate qixxeessinoonni bisenni, kataminsara dano tugammoraati.

NAHOOMI 2:10

Nennewe Katami co'o yee bai; diigame ona ikke gati. Mannu baalunku wodani waajjillunni kainohunni daaqi. Guluchu baalunku qece yii; mannu baalunku halli leqe yii; baalunku albi xawulushshi yii.

MARRO 1:28

Roduuwinke: Mannu ninkenni roore jawaatahonna hojjaameeyyete; katammano jajjabbatenna gordo iillino huxxa huxxinoonnite. Qolteno hakkiicho jajjabba Enaaqi ooso anfoommo yite, wodananke daaqissinona, hanni hiikka ha'neemmo?› yitinoonni.

MARRO 20:8

Qolteno, ‹Goonte afi'rinokkihu woy wodana shashino manchi hee'riro, ledosi noorira wolqa hunannokki gede minisira higo› yite coyidhona.

MARRO 4:39

«Xaate kunni ka'a iima gordoho, uulla baattote Kaaliiqi Magano ikkinota affe. Isi callu Maganoho. Konneno wodani'nera wodhe.

IYYAASU 14:8

Ane ledo hadhinori kayinni, shashishshe manninke wodana daaqissino. Ani kayinni, Kaaliiqi Magani'yara ammanamatenni hajajamoommosi.

IYYAASU 2:24

«Hakkiicho heedhannori baalunku ninke waajjite hembeelantanni no. Kunnira, Kaaliiqi gobba baala ninkera uyinonke gede huluullo dinonke» yii.

IYYAASU 5:1

Yordaanoosi Wayira Galchimaanni noori Amooraawootu mootoollanna Mediteraaniyu Baari laayyora heedhannori Kana"aanootu mootoolla baalanti Israeelete manni fula geeshsha Kaaliiqi Yordaanoosi Waa mooshshinonsata macciishshitu. Israeeloota waajjitino daafira masseenna goonte ba'unsa.

IYYAASU 7:5

Gayi manni katamu huxxi waalchinni kayise, kincho darranni bayichi geeshsha shorranni, gaaru eelallittera 36 ikkanno manna shii. Kunninni kainohunni, Israeelootu masseenna, goonte ba'unsa.

IYYAASU 9:24

Insano, «Mooticha! Magani'ne Kaaliiqi ki'ne alba higgine qaaffini deerrinni, hakkiicho hee'ranno manna shaatenni baatto ragisiisa'nera soqqamaanchosi Muse hajajino gede anfoommo. Togo assinoommohuno, ki'ne waajjatenni kainohunni lubbonke gatisi'rate yineeti.

YOHAANNIS AJUUJA 6:16

Ilaallatenna kinnate, «Ayirradu barcimira ofolle noohu albinninna Ge'rechu hanqinni aananke ubbine maaxxenke!