IYYAASU 17:5 - Qullaawa Maxaafa

⁵ Minaasera Yordaanoosi Wayira soojjaatoonni noori Geleaadinna Baasaani aana lende 10 qeecha uyinoonnihu kunniraati.

IYYAASU 17:5 ပူးပေါင်းရင်းမြစ်များ

HIZIQEELI 48:4

Minaase, soojjaatinni galchimi geeshsha Nifitaalemi baattora aanannoha mitto qeecha afi'rino.

IYYAASU 13:11

Kunino Geleaadi, Geshuurinna Maaka awuraajjanna Hermooni Ilaala gudise, hattono Saleka geeshsha nooha Baasaani giddo amadanno.

IYYAASU 17:14

Yooseefi ga're Iyyaasu, «Kaaliiqi maassi'rinonke daafira kiironke bati'rate. Iqqinke mitto qeecha calla ikkihu mayiraatiyya?» yite xa'mitu.

IYYAASU 17:4

Seennuno, qeesichu Aliaazaariwa, Newe beetti Iyyaasuwanna albisootunniwa mare, «Labballu ayiddinke gede, ninkerano iqqa uyinankera Kaaliiqi Muse hajajino» yii. Kunnira, Kaaliiqi hajajino garinni insarano labballu ayiddinsa ledo iqqa uyininsa.

IYYAASU 17:6

Hatto ikkinohu, meentu fiixinsarano labballu gede iqqa uyinoonninsahuraati. Geleaadi baattono gattinorira Minaase sirchira aamantu.