IYYAASU 17:18 - Qullaawa Maxaafa

¹⁸ Kunnira, gaaraame gobba ki'nera ikkitanno; dubbono ikkiro doltine qaccetenni qaccete geeshsha umi'ne iqqa assidhe. Kana"aanootaho ayi gedeno siwiilu faradi gaare heedhunsaronna jawaatoota ikkituro nafa, fushshitine shorra dandiitinanni» yiinsa.

IYYAASU 17:18 ပူးပေါင်းရင်းမြစ်များ

KALAQAMA 49:24

Kayinnilla, jawaatu Yaiqoobi Magani wolqanni, allaalaanchu Israeelete agaraanchinni, digaanikki kaajjado ikkanno; wolqakkino jawaattanno.

LAYINKI SAAMUEELI 18:6

Daawiti olanto katamunni fulte Israeelete manni ledo Efireemi dubbi giddo olantu.

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

ROOMU SOKKA 8:37

Kunni baalunku coyinni kayinni baxinonkehu Kiristoosinni qeeltinore roorreemmo.

MARRO 33:17

«Kumunni kiirranniri Efireeminna Minaase gaaddo, woraamu gede jajjabbahonna wolqaataammaho. Baarigaarrasi qasanno gaarraanchi gede, ki'neno diina'ne qassine baattote qacce fushshitinanni» yii.

IBIRAAWOOTA 13:6

Kunnira hawaqi'ne, «Kaaliiqi kaa'laancho'yaatina diwaajjeemmo. Mannu ma assannoe?» yineemmo.

IYYAASU 13:6

Kunino Libaanoosi ilaallanna Misirefotimayimi mereero noota gaaraame gobbara noota Sidoonootu gashshoote baala giddo amadanno. Israeelete manni alba hige ha'ri deerrinni, ani tenne daga shorreemmo. Atino hajajummohente gede baatto baala Israeelootaho beehatto.

IYYAASU 15:9

Hakkiinni kae, Nefitoha Bu'a sae, Efirooni Ilaali mule noo katamma iillanno. Hakkiinni Ba"aala woy Qiriyaati-Yiariimi widira hige eramanno.

IYYAASU 17:17

Iyyaasu Efireemiranna Yordaanoosira galchimaanni heedhannorira Minaase ga'rera, «Ki'ne addanka kiiro batinyeho; wolqatennino jawaattinoonnireeti. Mitto saino qeechi hee'ra'nera hasiisanno.

IYYAASU 20:7

Kunnira, Yordaanoosi Wayira galchimaanni Nifitaalemi iqqira gaaraame gobbara nootera Galiilaho Qedeeshi katamira, gaaraame Efireemi gobbara Sekeeminna gaaraame Yihudu baattora Kebirooni doorte baddu.

UMI SAAMUEELI 1:1

Gaaraame Efireemi gobbara Raama Katamira Efireemi ga're giddo Hiliqaana yinannihu mittu manchi no. Hiliqaana Yirohaamiho, Yirohaami Eliyuho, Eliyu Tohuho, Tohu Tsuufiho.